რატომ ეშინია კაცს გენდერული თანასწორობის?


“ამ ირანელ ქალს სიკვდილით დასჯა ემუქრება. ის ქმრის ღალატშია ბრალდებული და 5 წელია ციხეშია. ორი წლის წინ მას 99 როზგი მოხვდა. ახლა კი გაახვევენ თეთრ ზეწარში, ყელამდე მიწაში ჩაფლავენ და ქვებს დაუშენენ. ქვებს საგანგებოდ შეარჩევენ _ არც ძალიან დიდი უნდა იყოს, პირველივე ქვამ არ მოკლას, რომ სიკვდილით დასჯის პროცესი საჭიროზე … ხანმოკლე არ აღმოჩნდეს; და არც ძალიან პატარა _ კენჭებით ადამიანს ვერ მოკლავ.” რამდენიმე დღის წინ ეს ინფორმაცია ფეისბუქის ვოლზე ვნახე. უმეტესობამ ალბათ იცის, რომ ირანში ქალები სასტიკ დისკრიმინაციას განიცდიან და ბევრად დაუცველები არიან მამაკაცებთან შედარებით: მაგალითად მაშინ, როცა ქალს ღალატისთვის ქვების ჩაქოლვით სჯიან, კაცს შეუძლია ჰყავდეს ოთხი ოფიციალური ცოლი. გაყრის შემდეგ 7 წელზე ზევით ბავშვები მამასთან რჩებიან. ქალი ვერ გახდება ქვეყნის პრეზიდენტი. ქალი ვერ ჩაიცვამს ისე როგორც მოუნდება: არსებობს ჩაცმულობის ნორმა – აუცილებელია თავსაბურავით სიარული და ტანის დაფარვა.  აკრძალულია ასევე მაკიაჟის გაკეთება. ირანში გენდერული თანასწორობის არსებობაზე საუბარი ზედმეტია. 


რას ნიშნავს გენდერული თანასწორობა? გენდერული თანასწორობა ნიშნავს თანაბარ შესაძლებლობებს, მონაწილეობის და ორივე სქესის გამოჩენას საზოგადოებრივი და პირადი ცხოვრების ყველა სფეროში თანაბარ დონეზე. გენდერული თანასწორობა არ უნდა გავიგოთ როგორც გენდერული მრავალფეროვნების, არამედ პირიქით, როგორც გენდერული უთანასწორობის საწინააღმდეგო. ის მიზნად ისახავს ქალების და მამაკაცების საზოგადოებაში სრული მონაწილეობის წახალისებას. ისევე როგორც ადამიანის უფლებებისათვის, გენდერული თანასწორობისათვისაც საჭიროა მუდმივი ბრძოლა, დაცვა და მხარდაჭერა (ეს განმარტება აქ ვნახე http://www.nplg.gov.ge/)

საქართველოში უმეტესობას ტერმინი “გენდერული თანასწორობა” არასწორად ესმის. როგორც კი ჩამოვარდება სიტყვა ამ უკანასკნელზე, მაშინვე მსგავს რეპლიკებს შეხვდებით: ” ქალი და მამაკაცი ვერასდროს ვერ გაუტოლდება ერთმანეთს! მამაკაცი ბევრად ძლიერი და ჭკვიანია ქალზე”. მერე მსგავსი ბანალური კითხვების დასმას იწყებენ ” აბა მითხარი რომელიმე გენიოსი ქალის სახელი? “, “უმეტესობა ცნობილი ისტორიული ფიგურებისა კაცი იყო” და მოკლედ თემიდან უხვევენ. მე ჩემი მოკრძალებული აზრი გამაჩნია ამასთან დაკავშირებით და სულაც არ მიმაჩნია, რომ ქალი მამაკაცთან შედარებით ნაკლებადგანვითარებული და ნაკლები ნიჭის მქონეა. არსებობს სფეროები, სადაც ქალს აქვს მიდრეკილება იყოს უფრო წარმატებული და არსებობს ისეთი ამოცანები, რომლებსაც მამაკაცი უფრო კარგად ასრულებს. ეს კვლევებითაა დამტკიცებული. რატომ არის უფრო მეტი გენიოსი, ფილოსოფოსი, ფიზიკოსი თუ ქიმიკოსი მამაკაცი, ამასაც აქვს თავისი ახსნა და აქ ბევრ ფაქტორს აქვს მნიშვნელობა: გარემო პირობებს, ტრადიციებს, საზოგადოებაში გააბტონებულ ნორმებს და ა.შ. მოკლედ, მე იმის თქმა მინდა, რომ ქალები საკუთარ პოტენციალს მომავალში უფრო მეტად გამოავლენენ, რადგან მანამდე მათ უბრალოდ არ ჰქონდათ ამის საშუალება.


გენდერული თანასწორობა სულაც არ ნიშნავს, რომ ქალს გააჩნია მამაკაცისნაირი გონებრივი თუ ფიზიკური შესაძლებლობები. ეს ნიშნავს იმას, რომ მიუხედავად იმისა, როგორი შესაძლებლობები აქვს სხვადასხვა სქესის წარმომადგენლებს, მათ ერთნაირი უფლებები და საკუთარი თავის გამოვლენის ერთნაირი საშუალებები უნდა ჰქონდეთ.

გენდერულ თანასწორობას ეწინააღმდეგებიან ასევე იმის გამო, რომ ქალი, რომელიც ისევე აქტიურადაა ჩართული საზოგადოებრივ საქმიანობაში, როგორც მამაკაცი, ვეღარ იცლის საოჯახო საქმეებისთის და შვილის აღზრდისთვის. მე სულაც არ ვფიქრობ, რომ შვილის აღზრდა მხოლოდ დედის საქმეა. შვილის აღზრდის ფუნქცია მშობლებმა თანაბრად უნდა გადაინაწილონ. თუკი ვიღაცისთვის მიუღებელია როცა ქალი შვილთან ცოტა დროს ატარებს, ჩემთვის ასევე მიუღებელია როცა ზუსტად ამგვარად იქცევა კაცი: ორივემ თანაბარი დრო უნდა დაუთმოს შვილს. სამწუხაროდ, საქართველოში შვილის მოვლისა და აღზრდის საქმეს რატომღაც მარტო დედას გადააბარებენ ხოლმე (ხშირ შემთხვევაში). განსაკუთრებით მაშინ, როცა ბავშვი მცირეწლოვანია. კარგი იქნება თუ ცოლ–ქმარი შვილისთვის ყურადღების დათმობასა და სამსახურს ერთმანეთს შეუთავსებს. ხელისუფლებამ უნდა უზრუნველყოს ისეთი პირობების შექმნა, რომ მშობლებმა მოახერხონ პირადი და პროფესიული ცხოვრების შეთავსება. საქართველოში ასეთი პირობები ჯერჯერობით არ არსებობს. თუ ცოლ–ქმარი ვერ ახერხებს ამას, მაშინ, ჩემი აზრით, საკუთარი ოჯახის წევრებიდან ვინმე უნდა დაიხმაროს, და თუ ეგეც ვერ მოხერხდა, მაშინ უკანასკნელი საშუალება ამ პრობლემის მოგვარებისა არის ძიძის აყვანა. მცირე პერიოდით მაინც.(სამწუხაროდ საქართველოში ეს ალბათ ერთადერთი გამოსავალია). რა თქმა უნდა, ძიძა დედას ვერ შეცვლის, მაგრამ თუ სხვა გზა არ არსებობს, ეს ხერხი ჩემთვის მისაღებია. მოკლედ რა გზებით უნდა შეძლონ მშობლებმა პირადი ცხოვრებისა და კარიერის შეთავსება, ამაზე დავა შორს წაგვიყვანს. ჩემი აზრით, ეს სულაც არაა გადაუჭრელი პრობლემა.

რა უნდა ქნას ქალმა, რომელმაც თავის დროზე ოჯახის გამო ყველაფერი დათმო, დღეს მისი შვილები დიდები არიან და საკუთარი ცხოვრება აქვთ, ქმარი წარმატებული კარიერით ამაყობს. ქალს კი საკუთარი თავის რეალიზებისთვის მხოლოდ სამზარეულოში ბზრიალი და სახლის დალაგებაღა შერჩენია. მის ასაკში კარიერაზე ფიქრი უკვე დაგვიანებულია. შეიძლება ბევრი ქალისთვის დიასახლისობა არის უსაყვარლესი საქმე და ამის გარდა არც არაფერი აინტერესებს. მაგრამ ასეთების რიცხვი დროის გასვლის პროპორციულად კლებულობს. ყოველ შემთხვევაშუ მე ასეთს არავის ვიცნობ. თქვენ? ასე რომ თუ ქართველ მამაკაცს უნდა მისი ცოლი მხოლოდ ოჯახური საქმიანობით იყოს დაკავებული, ისიც უნდა გაითვალისწინოს რომ ყველა ადამიანს აქვს საკუთარი თავის რეალიზების მოთხოვნილება. არსებობენ ქალები, ვინც მხოლოდ ოჯახური საქმიანობით ამას ვერ ახერხებს. ამიტომ ასეთ შემთხვევაში ისინი განწირულები იქნებიან არასრულყოფილი ცხოვრებისთვის. არ მგონია, როცა ადამიანი გიყვარს, გინდოდეს, რომ ის უბედური იყოს. გარდა ამისა, როცა ფინანსურად ხარ სხვაზე ხარ დამოკიდებული, თუნდაც ქმარზე, ეს დამატებით პრობლემებს წარმოშობს.


ჩემთვის მაინც გაურკვეველია, რატომ არ ეთანხმება მამაკაცთა უმეტესობა გენდერული თანასწორობის იდეას. როცა დარწმუნებული ხარ, რომ ქალი ვერ გაჯობებს და ვერც კონკურენციას გაგიწევს, რატომ არ უნდა გინდოდეს მისცე მას თავის გამოვლენის ისეთივე შესაძლებლობები, როგორიც შენ გაქვს? იქნებ სწორედ იმიტომ, რომ გულის სიღრმეში კაცს ეშინია, რომ ქალი აჯობებს? :))))

საქართველოს კონცტიტუციის თანახმად, ყველა ადამიანი დაბადებით თავისუფალია და კანონის წინაშე თანასწორია განურჩევლად რასისა, კანის ფერისა, ენისა, სქესისა, რელიგიისა, პოლიტიკური და სხვა შეხედულებებისა, ეროვნული, ეთნიკური და სოციალური კუთვნილებისა, წარმოშობისა, ქონებრივი და წოდებრივი მდგომარეობისა, საცხოვრებელი ადგილისა. გენდერული თანასწორობა დემოკრატიის განუყოფელი ნაწილია. კანონით მამაკაცისა და ქალის თანასწორუფლებიანობა აღიარებულია, რამდენად განხორციელდება ეს პრაქტიკაში, საზოგადოებაზეა დამოკიდებული. უხეშად რომ ვთვქვათ, ორი გზა არსებობს: ერთი ევროპისკენ და მეორე ირანისკენ. არჩევანი თავად გააკეთეთ.

, , , , , , , , , , , ,

  1. #1 by ჩორვენი on July 10, 2010 - 11:36 am

    Chven mtlad iranisken ar vart mara evropamde iseti iseto shori gza gvaqvs gasavleli rom meti ar sheizleba
    faqtiurad haershi var gamokidebuli da umiznod da sacylad vfartxalebt

    • #2 by Nina Gorecki on July 10, 2010 - 11:41 am

      მე ვიცი რატომაც ეშინია

      ჯერ კიდევ სოკრატემ თქვა: Once made equal to man, woman becomes his superior😀😀

    • #3 by dreamar on July 10, 2010 - 12:06 pm

      საქართველოში რომ ირანისნაირი სიტუაცია ყოფილიყო, ნამდვილად გადავსახლდებოდი აქედან დიდი ხნის წინ. არიან ისეთებიც, ვინც ამბობს, რომ ირანში არც მთლად ასე მძიმედაა საქმე და ირანელი ქალის გაუსაძლისი მდგომარეობის შესახებ წარმოდგენები სტერეოტიპულია. ამ აკრძალვების სანაცვლოდ ქალს უდიდეს პატივს სცემენ ოჯახშიო. მაგრამ მე პოზიტიური ინფორმაცია ირანში ქალთა მდგომარეობის შესახებ ძალიან ძალიან ცოტა გამიგია. თითქმის არც გამიგია.

  2. #4 by Mari on July 10, 2010 - 12:02 pm

    რა საშინელებაა… იდიოტები არიან ეს ირანელები

  3. #5 by latatie on July 11, 2010 - 9:39 am

    საქართველოში ქალებს უძღვნიან სადღეგრძელოებს, სიმღერებს, ლექსებს, მაგრამ როგორც ერთ კავკასიურ ანეკდოტშია არ ეკამათებიან იმიტომ, რომ უბრალოდ არ უსმენენ.

  4. #6 by blablabla on July 11, 2010 - 9:53 am

    uhuuuuu… ra codo xalxi arian… magram gamonaklisebicaa- iraneli myavs mezobeli kaci da coli qartveli yavs, ojaxis tavis statusi cols upro aqvs vidre qmars. aranairi akrzalvebi, erti sityvit yvelaze bednieri ojaxia 4em korpusshi.

  5. #7 by irinka on July 13, 2010 - 2:38 pm

    კარგი იყო მარ! ძალიან ბევრი რამე გვესმის არეულად. საერთოდაც, ჩემი აზრით, არც ქალებს გამოსდით მაინცდამაინც კარგად შვილის გაზრდა, იმიტომ რომ, სწორედ ქართველი დედიკოების გაზრდილ ბიჭებს უყალიბდებათ ხოლმე არასრულფასოვნების და ათასი ეგეთი კომპლექსი, ყველა მეორე ქართველი ბიჭი კომპლექსების ბუდეა. მამებს კიდევ თავიანთი ვაჟკაცები როგორც წესი მხოლოდ სუფრასთან ახსენდებათ ხოლმე… მოკლედ, გეთანხმები, ორივე მშობელმა უნდა გაზარდოს შვილი. ბავშვის გაზრდა არავითარ შემთხვევაში არ ნიშნავს მხოლოდ მისთვის საკვების/სათამაშოების/გართობის/ და ასეთი რამეების არმოკლებას. სხვა რაღაცაა რა… კიდევ ისაა პრობლემა, რომ ჩვენთან ძალიან ადრე ქმნიან ოჯახებს და თვითონ გასაზრდელები (მართლა) პატარებს ვერ ზრდიან… დავრჩით ასე გაუზრდელები მთელი ერი..😀 whatever, გავუტიე, მარა მგონი ეგრეა😐

    • #8 by dreamar on July 13, 2010 - 11:43 pm

      მართალი ხარ, უმეტესობა პასუხისმგებლობის გაუცნობიერებლად ქმნის ოჯახს. ქალსაც დიდი “წვლილი” მიუძღვის გენდერული თანასწორობის არარსებობაში: პირველი, რაც შენ თქვი: ამ კაცების აზროვნება ხომ ხშირ შემთხვევაში იმ აღზრდის სტილიდან გამომდინარეობს, რომელსაც დედები მიმართავდნენ. მეორე, ბევრ ქალს თვითონვე არ სურს ჰქონდეს თანაბარი უფლებები და თავს ბევრად ნაკლებადგანვითარებულად მიიჩნევს მამაკაცთან შედარებით. ასეთი ქალები უსიტყვოდ იტანენ დისკრიმინაციას და სულაც არ ფიქრობენ, რომ მათი უფლებები ირღვევა.

  6. #9 by keti on July 16, 2010 - 7:58 am

    ამ ირანზე ცალსახა შეხედულებაა – ის, რასაც დასავლეთი აპიარებს და გვიბეჭდავს თავებში. არც ასე დაჩაგრულები არიან ირანელი ქალები. ამ მაგალითით ნუ იმსჯელებთ ზოგად მდგომარეობაზე. წამიკითხავს,მომისმენია იქ ნამყოფი ადამიანების შთაბეჭდილებები. რამდენადად შეზღუდული ჩანს ქალი გარეთ და გარედან, გაგიკვირდებათ და შინ ოჯახის ბურჯია. ირანის დიდ ქალაქებში არც ისე შებურვილი ქალები დადიან…
    რა თქმა უნდა, ჩაქოლვის ფაქტს არ ვიწონებ. საერთოდ ძალადობას. მაგრამ ცალსახად ერის იდიოტებად გამოცხადება მიუღებელია. შუაგულ ევროპაში , ინგლისში, ქმარი ცოლს იმისთვის კლავს, რომ ფეისბუკზე სტატუსი დაქორწინებული თავისუფალით შეცვალა. ასე რომ, პრობლემა ადამიანების თავებშია და არა გეოგრაფიულ ადგილებში.

    • #10 by dreamar on July 16, 2010 - 10:37 am

      ქეთი ეს აზრი მეც მსმენია და კომენტარებშიც ვახსენე. თუმცა, სამწუხაროდ ირანელ ქალთა სასტიკი დისკრიმინაციის შესახებ უფრო მეტი რამ გამიგია და არამარტო მედიის საშუალებით. ასე რომ არ მგონია, რომ უმრავლესობის რწმენა ირანში გენდერული თანასწორობის არარსებობაზე მხოლოდდამხოლოდ დასავლური პროპაგანდის შედეგი იყოს.
      რაც შეეხება “ერის ცალსახად იდოტებად გამოცხადებას” ეს ჩემთვისაც მიუღებელია რომელ ერზეც არ უნდა იყოს საუბარი.

  7. #11 by ქეთ_ევა_ნ on July 17, 2010 - 9:52 pm

    აუ იცი როგორ ვითრგუნები ირანის ამბების მოსმენისას😦 ხანდახან მგონია რომ მეც იგივე მელის.. იმდენად ყველაფრით ვგრძნობ ამ საშინელ ისტორიას..
    ძალიან მინდა რომ შეიძლებოდეს ირანელებთან ამგვარი რაღაცეების აკრძალვა და ქალების უფლებების დაცვა.. მაგრამ ჯობია საქართველოს სიტუაციაზე ორიენტირება..აქ კიდე შეიძლება რამის შეცლა..ოდნავ მაინც

  8. #12 by Cartman on September 13, 2010 - 4:56 am

    მე კიდევ ასე ვიტყოდი რომ საქართველოში გენდერული ბალანსის მიღწევას ძირითადად თვითონ ქალები უშლიან ხელს,ან კიდევ არასწორად იგებევნ და თანასწორობა ხშირად მატრიარქატში ერევათ… მე ხშირად ვყოფილვარ შეხვედრებზე და ტრენინგებზე, სადაც კაცერბს დაგვიცავს ხოლმე თუნდაც ძალადობის მსხვერპლი ქალები და ქალები კიდევ მოძალადე მამაკაცის მხარეს ყოფილან….

    • #13 by dreamar on September 13, 2010 - 12:03 pm

      გეთანხმბი: სამწუხაროდ გენდერულ უთანასწორობას თავად ქალებიც უწყობენ ხელს. გენდერული თანასწორობა რომ დამკვიდრდეს, უნდა შეიცვალოს როგორც კაცების, ასევე ქალების აზროვნებაც და შეხედულება ამ საკითხთან დაკავშირებით.

  9. #14 by alluballi on September 13, 2010 - 1:14 pm

    ბევრჯერ მომსვლია უთანხმოება გიოსთან ამ თემაზე…ყოველთვის მეუბნება მე და შენ ერთმაირი უფლებები არ გვქვსო და რაც ყველაზე მეტად გამიკვირდა ჩემმა და ქალმაც დაუჭირა მხარი😦 ხშირად უტქვამს მე სხვა ვარო..შენ სხვა ხარო და ამნაირი რეპლიკები….:(

  10. #15 by niksologi on November 23, 2010 - 12:09 am

    1.”ალს ღალატისთვის ქვების ჩაქოლვით სჯიან, კაცს შეუძლია ჰყავდეს ოთხი ოფიციალური ცოლი.”
    – მამაკაცსაც სიკვდილით სჯიან ღალატისათვის რამდენადაც ვიცი. ცოლები ყავს და არა საყვარლები. ანუ არ ღალატობს🙂
    2.”თუ ცოლ–ქმარი ვერ ახერხებს ამას, მაშინ, ჩემი აზრით, საკუთარი ოჯახის წევრებიდან ვინმე უნდა დაიხმაროს, და თუ ეგეც ვერ მოხერხდა, მაშინ უკანასკნელი საშუალება ამ პრობლემის მოგვარებისა არის ძიძის აყვანა. მცირე პერიოდით მაინც.”
    – აბსოლუტურად არ გეთანხმები და რატო? შვილს ნამდვილად ვიყოლიებ იმიტომ რომ შვილი მყავდეს. ის მე უნდა გავზარდო და არა ჩემმა ბიძაშვილმა. მით უმეტეს ძიძამ. ზედაპირულად არ შეიძლება ამაზე საუბარი. საქართველოში დამეთანხმები დედა-შვილური დამოკიდებულება ბევრი სხვა ხალხისგან განსხვავებით ძალიან თბილი და სამაგალითოა. შენ თავად რომ გეყოლება (არ ვიცი შეიძლება გყავს კიდეც, მაგრამ არამგონი) შვილი მერე რამდენად იგივე მოსაზრება გექნება მის აღზრდა-გაზრდასთან დაკავშირებით თავად ნახავ.
    3.”რა უნდა ქნას ქალმა, რომელმაც თავის დროზე ოჯახის გამო ყველაფერი დათმო, დღეს მისი შვილები დიდები არიან და საკუთარი ცხოვრება აქვთ, ქმარი წარმატებული კარიერით ამაყობს. ქალს კი საკუთარი თავის რეალიზებისთვის მხოლოდ სამზარეულოში ბზრიალი და სახლის დალაგებაღა შერჩენია.”
    -ამ შემთხვევაშიც არ გეთანხმები. რატომ აყენებ საკითხს ასე. ქალი დაოჯახდა, შეეძინა შვილები, გავიდა დრო და ის პროფესიის გარეშე დარჩა.
    აქ პრობლემა თვითონ ქალებსა და კულტურაშია ზოგადად. მოდი 18-19 წლის ასაკში გათხოვებაზე კი აიფიქრო, არამედ სწავლაზე. მიიღე საჭირო განათლება და მხოლოდ ამის მერე იფიქრე დაოჯახებაზე. შვილი რომ გეყოლება 2 წელი (მაქსიმუმს ვამბობ) იმ პერიოდში როდესაც შვილს – ახალშობილს ყველაზე მეტად ჭირდება დედა იყავი მასთან და მერე არ დაგჭირდება იმაზე ფიქრი ეხლა რა ვისწავლო, რაღა დროს ჩემი სწავლაა და ა.შ.
    3.”ჩემთვის მაინც გაურკვეველია, რატომ არ ეთანხმება მამაკაცთა უმეტესობა გენდერული თანასწორობის იდეას. იქნებ სწორედ იმიტომ, რომ გულის სიღრმეში კაცს ეშინია, რომ ქალი აჯობებს?”
    – გენდერულ თანასწორობაზე საუბრობ და ამბობ იქნებ იმიტომ არ სურთ კაცებს გენდერული თანასწორობა ეშინიათ ქალებმა არ აჯობოთო. რა შუაშია ვინ ვის აჯობებს გამაგეინე. კაცი რომ ოჯახში თუ სამსახურში ქალზე ძალადობს და შეურაცხყოფას აყენებს აქ ვინ ვის ჯობს საუბარი საერთოდ სადაა? გენდერული თანასწორობა გულისხმობს უფლებრივად თანასწორობას სოციალურ გარემოში, იქ სადაც ადამიანს უწევს ყოფნა, ცხოვრება, მოღვაწეობა. არ უნდა ირღვეოდეს ქალთა უფლებები არსად, ამაზეა აქცენტი.

    ზოგადად, ცნობილია რომ ფემინისტები იღწვიან ქალთა უფლებების დაცვისათვის. მაგრამ ხანდახან ეჭვი მეპარება მათ რაციონალურობასა და ქალურობაში. მაგალითად: ესპანეთში ფემინისტები იღხოვენ შუქნიშანზე აინთოს კაბიანი ნიშანი (ანუ აქ საუბარია ფეხით მოსიარულეთათვის რომ ინთება მწვანე ნიშნული, ის უნდა იყოს კაბიანი და არა მხოლოდ კაცის ფორმის, რაც ჩემთვის პირადად ძალიან სულელური პრეტენზიაა).
    მერე მეორეც: ასევე ესპანელი ფემისტები მოითხოვენ მათთვისაც მოეწყოს მსგავსი ღონისძიება როგორიც კაცებისთვის იმართება ხოლმე. ამ შემთხვევაში საუბარია ესპანეტში, ქალაქის ვიწრო ქუჩებში რომ ტოროებს (ესპანური ხარი) გაუშვებენ და კაცებს რომ მისდევენ ეგეთი გვინდაო ჩვენც🙂 ესეც რამდენად საღი აზრითაა ნაკარნახევი განსჯა შენთვის მომინდვია.

    ისე სიმართლე გითხრა პრობლემა თვითონ ქალებში უნდა იყოს. ჩვენთან სამოქალაქო შეგნება ძალიან დაბალ დონეზეა. ახალგაზრდა გოგო რომ იმას იტყვის ქმარს თუ შენ არ მისცემ ცემის საბაბს არ გცემსო, რომელ გენდერულ თანასწორობაზეა საუბარი საერთოდ.

    პატივისცემით მე

    • #16 by dreamar on November 23, 2010 - 11:32 pm

      ოჰო რამხელა კომენტარია :)) ვეცდები გაგცე პასუხი:
      1. აქ საუბარია იმაზე, რომ იმ დროს როცა კაცს შეუძლია ჰქონდეს (კანონიერი) ურთიერთობა ერთდროულად რამდენიმე ქალთან: ჰყავდეს რამდენიმე ცოლი, ქალს უნდა ჰქონდეს ურთიერთობა მხოლოდდამხოლოდ ერთთან. აი, ამას მივიჩნევ მე უსამართლობად. წარმოიდგინე პირიქით რომ იყოს: კაცს მხოლოდ ერთი ცოლის ყოლის უფლება ჰქონდეს და ქალისთვის კი ნებადართული იყოს მრავალქმრიანობა. ხომ იქნებოდა უთანასწორობა? პირადად ჩემთვის დიდი მნიშვნელობა არ აქვს ჩემს ქმარს კიდევ ერთი ცოლი ეყოლება, თუ საყვარელი. ორივე შემთხვევაში მე ამას ღალატად მივიჩნევ. პირიქით, ჩემი აზრით, უარესია როცა კაცს კანონით აქვს მინიჭებული უფლება ჰყავდეს რამდენიმე ცოლი.
      2. მე არ ვამბობ, რომ შვილი სხვამ უნდა გაზარდოს. აქ საუბარია დახმარებაზე შვილის აღზრდაში. საქართველოში, სადაც სახელმწიფო ხელს არ უწყობს მშობლებს შეუთავსონ ერთმანეთს კარიერა და ოჯახური ცხოვრება, შეუძლებელია სხვის დაუხმარებლად შვილის აღზრდა. მაშინ რომელიმე მშობელი არ უნდა მუშაობდეს და სახლში უნდა იყოს სულ. წარმოიდგინე ცოლ–ქმარი, რომელსაც ჰყავს 1 წლის შვილი. დეკრეტის ვადა გასულია უკვე. ორივე მუშაობს 10–დან 6–მდე. რა უნდა ქნან ამ დროს, ბავშვი ვის დაუტოვონ?
      3. ბევრს ვიცნობ ვინც წარმატებულად სწავლობდა, არც ადრეულ ასაკში გათხოვილა, მაგრამ ოჯახის შექმნის შემდეგ აღარ გაუგრძელებია არც სწავლა და არც სამსახური: ზოგი საკუთარი სურვილით მოიქცა ასე, ზოგიც ქმრის გამო (ქმარმა არ მისცა უფლება რომ ემუშავა), ზოგს სხვა გამოსავალი არ ჰქონდა: დრო აღარ რჩებოდა სწავლისა და სამსახურისთვის.
      და კიდევ: ძალიან რთულია 2 წლით მოწყდე შენს სამსახურს. სამსახურიდან გაშვების ნომერ პირველი კანდიდატი ხდები. არცერთი დამსაქმებელი არ მოისურვებს 2 წლით დაკარგოს საკუთარი დასაქმებული (თუ რაც ქვია). გარდა იმისა, რომ ორი წლის განმავლობაში პროფესიულად ვერ ვითარდები, დიდი შანსია, რომ დაკარგო ეს სამსახური. სამსახურის პოვნა რომ უდიდესი პრობლემაა საქართველოში, ესეც ხომ ვიცით. თანაც დედას მოუწევს 2 წელი მოწყდეს სამსახურს (ან სწავლას) იმ შემთხვევაში თუ მხოლოდ ერთი შვილის ყოლას გადაწყვეტს. ვისაც უფრო მეტი შვილის ყოლა უნდა, მას რამდენჯერმე მოუწევს შვებულებაში გასვლა.
      4. როცა ორივე სქესის წარმომადგენელი თანასწორუფლებიანია _ ორივე მონაწილეობს საზოგადოებრივი და პირადი ცხოვრების ყველა სფეროში თანაბარ დონეზე. გენდერული თანასწორობის პირობებში ქალს უფრო დიდი შესაძლებლობა ეძლევა საკუთარი თავის გამოჩენისა და რეალიზებისა. როცა ვამბობ, ქალი კაცს აჯობებს–მეთქი, იმას ვგულისხმობ, რომ ქალმა შესაძლოა უკეთ გაართვას თავი რიგ საქმიანობებს: ამით ის გახდება ნაკლებად დამოკიდებელი კაცზე. როცა ქალი სუსტ არსებად აღარ ითვლება, პატრიარქალურ საზოგადოებაში ამან შესაძლოა გამოიწვიოს ძლიერი სქესის წარმომადგენლების პატივმოყვარეობის შელახვა. რადგან ასეთ საზოგადოებებში მიჩნეულია, რომ მამაკაცი ბევრად უფრო ძლიერია ქალზე.
      ეს ჩემი ვარაუდია, რატომ შეიძლება არ უნდოდეთ მამაკაცებს გენდერული თანასწორობა და ეს ვარაუდი სათანადო რეალური ფაქტების დიდი რაოდენობითაც არის გამყარებული. :))

      ფემინისტთა ზემოთჩამოთვლილი მოთხოვნები ჩემთვის ცოტა არ იყოს სასაცილოა🙂 გეთანხმები, რომ პრობლემა ქალებშია. ოღონდ არამხოლოდ. როგორც ქალებში ასევე კაცებში.

      • #17 by niksologi on November 24, 2010 - 12:44 am

        3. მთავარია მონდომება ჩემო Dreamar, თუ მოინდომებ ყველაფერს შეძლებ. 2 წელი არ მუშაობა საკუთარ თავზე არ მუშაობას არ უნდა ნიშნავდეს. ძნელია, მაგრამ მეც ბევრი მაგალითი მაქვს იმის რომ მერე გაუგრძელებიათ სწავლა. დამსაქმებელი (ნუ ნორმალურ ქვეყანაში ნამეტანი აწყობილია ეგ სისტემა) ინარჩუნებს დასაქმებულს და ხელს უწყობს მაქსიმალურად. საქართველოში ამაზე საუბარი ზედმეტია, სამწუხაროთ. რომელ ხელშეწყობაზეა საუბარი, როდესაც შრომის ხელშეკრულება არ გაგვაჩნია…
        4. ”შესაძლოა” – ეს სიტყვა 3-ჯერ გაქვს გამოყენებული პასუხის მეოთხე ნაწილში. ალბათობით ბევრი რამის თქმა შეიძლება, საერთოდაც ყველაფრის.
        გენდერულ თანასწორობას კანონის დონეზე თუ მიღწეულად მიიჩნევ და ამას პრაქტიკულ ცხოვრებაში, ყოველდღიურში ვერ ახორციელებ, მაშინ სუსტი ყოფილხარ. რაც კანონით დადგენილია და აღიარებული ის ცხოვრებაში არ უნდა გეკარგებოდეს.

    • #18 by natalii on April 28, 2015 - 2:53 pm

      gaixaret aseti realuri da progresuli komentaristvis

    • #19 by dreamar on April 30, 2015 - 9:00 am

      ახლა გავიგე ეს საშინელი ამბავი http://ick.ge/articles/19726-i.html რაღა შორს წავიდეთ,ჩვენს ქვეყანაშიც გვაქვს ქალების მოკვლის არაერთი მაგალითი. კიდევ ერთხელ გადავიკითხე პოსტი. კომენტარებს დავამატებდი:
      1. “ცოლები ყავს და არა საყვარლები. ანუ არ ღალატობს :)” – ძალიან გამეცინა ამ ახსნაზე )) ანუ კაცს რომ დაკანონებული აქვს სხვასთან სექსი ეს უარესი შემთხვევაა. კაცს კანონი აძლევს იმის გაკეთების საშუალებას, რის გამოც ქალს კლავენ.
      2. “ის მე უნდა გავზარდო და არა ჩემმა ბიძაშვილმა. მით უმეტეს ძიძამ” – რა გგონია, ვინც ზრდის პატარა შვილებს, არავის იხმარს? წარმოუდგენელია, ბავშვის აღზრდისას არავინ დაიხმარო. ალბათ, უკაცრიელ კუნძულზე უნდა ცხოვრობდე მაშინ. მე არ შემხვედრია ასეთი ადამიანი, ვინც ძიძას თუ არა დედას, მამას, დას და ა.შ არ იხმარს. სხვა რომ გეხმარება არ ნიშნავს იმას, რომ ის “გიზრდის” შვილს და დედობა/მამობის ფუნქცია წაგართვა ))
      3. რა თქმა უნდა, პრობლემა ქალებშია, მეტი კი არაფერი )) თავიდანვე მაგ განწყობით რომ ზრდიან: რომ ოჯახია მთავარი და სხვა ყველაფერი ფეხზე უნდა ეკიდოს, არც განათლების საშუალებას აძლევენ და სამსახურშიც ხშირად ვერ საქმდება ან ათავისუფლებენ სქესის გამო, ან თუ მუშაობს – არათანაბარ პირობებში და ნაკლები წინსვლის საშუალებით – ეს ყველაფერი ქალის ბრალია, აბა რა ))) ქალის ბრალია ზოგადად პატრიარქალურ გარემოში რომ იბადება😀
      4. ზოგადად ძალიან ბევრი კაცი იმიტომ არ აძლევს ქალს ამ ყველაფრის საშუალებას, რომ ეშინია ქალის თავისუფლების, ეშინია, რომ თავისუფლების მოპოვების შემდეგ ქალისთვის არ იქნება საჭირო )) ეს ერთ-ერთი ასპექტია, რა თქმა უნდა, არა ერთადერთი.
      “არარაციონალური” ფემინისტების მაგალითი რა შუაშია საერთოდ ვერ გავიგე. ვიღაც ფემინისტმა თუ რაღაც სისულელე ჩაიდინა, ზოგადად ფემინიზმს რატომ მიაწერ? სტერეოტიპულ შეხედულებასთან ხომ არ გვაქვს ადგილი? )))

  11. #20 by dreamar on November 24, 2010 - 10:46 am

    3. მეც ვიცნობ ისეთ ადამიანებს, ვინც შვილების ყოლის შემდეგ სწავლა გააგრძელა და სამსახური. თუმცა, მათი შვილების აღზრდაში უდიდესი წვლილი მიუძღვის ან ძიძებს და ან მშობლებს. კი მონდომებაა მთავარი, გეთანხმები, მაგრამ ამ მონდომებას ხელშეწყობა ჭირდება: რადგან, სამწუხაროდ, არანორმალურ ქვეყანაში ვცხოვრობთ, ორივე საქმის (შვილის მოვლა, კარიერა) შეთავსება სხვის დაუხმარებლად წარმოუდგენელია.
    4. იმიტომ ვიყენებ სიტყვა “შესაძლოას” რომ ეს ჩემი პირადი და სუბიექტური აზრია, გამყარებული ფაქტებით საკუთარი გამოცდილებიდან. მე ვერ დავიწყებ იმის მტკიცებას, რომ ეს ჭეშმარიტებაა, იმიტომ რომ ასე რომ იყოს ამას მინიმუმ ერთი მეცნიერული კვლევის ჩატარება დაჭირდება (თემაზე რატომ ეშინია ზოგიერთ კაცს გენდერული თანასწორობის). ალბათობით ბევრი რამის თქმა მართლაც შესაძლებელია, მაგრამ ვარაუდსაც გააჩნია: ჩემი სავსებით ლოგიკურია და არაა მოკლებული საღ აზრს🙂
    ასე თუ ვიმსჯელებთ კანონით ბევრი რამ არის დადგენილი საქართველოში, მაგრამ რეალობაში არ არის მიღწეული. მაგალითად თანასწორია კი საქართველოში ადამიანი მიუხედავად მისი რელიგიისა ან ეთნიკური წარმომავლობისა? ან კიდევ კონსტიტუციაში კი წერია ცენზურა დაუშვებელიაო, მაგრამ რეალობაში რომ სხვაგვარადაა საქმე ეგეც ხომ ვიცით. შეიძლება ამის (როცა ადამიანი ვერ ახორციელებს კანონით მინიჭებულ უფლებებს) მიზეზი მართლაც ადამიანის სისუსტეა. თუმცა, ეს ერთერთი მიზეზია, ჩემია ზრით.

  12. #21 by dreamar on November 24, 2010 - 5:34 pm

    p.s “liberalis” axal nomershia amaze dzalian saintereso statia “ერთი ქალი-ორი ცხოვრება”, sadac konkretuli kvlevebia moyvanili da statistikuri monacemebi.

  13. #22 by Mallorie on February 17, 2011 - 8:30 am

    ძალიან საინტერესო პოსტი იყო.
    ჩემი მატემატიკის მასწავლებელი მუდამ ამბობს, რომ ხალხს ხშირად არ ესმით სწორად, ლოგიკური დასკვენი ვერ გამოაქვთ. ერთს მეორესთან სწორად ვერ აკავშირებენ და ა.შ.
    პოსტი რომ ჩავამთავრე, აშკარად მივხვდი, ვერაფერში ვერ შეგეწინააღმდეგებოდი, ნამდვილად ყველაფერში გეთანხმები.
    საინტერესოდ და სწორად აზროვნებ.

  14. #23 by Jessie on March 26, 2011 - 9:20 pm

    გენდერულ თანასწორობას მივყავართ იქითკეთ, რომ ახლა მამაკცი უფრო იჩაგრება ^_^ უაჰაჰა

  15. #24 by Kaxi on June 21, 2012 - 7:01 pm

    tavisi nebit arasdros aurchevia iranis gza da arasdros airchevs.
    Genderuli tanasworoba aris mamakacis sheqmnili. Ar aris saWiro. Mamakaci qalze uketesi and zemdgomi ar aris shinaganad, ojaxshi ierarqia sxva sakitxia. Ierarqia xom evropashi samsaxurebshi arsebobs rac ar iTvaliswinebs uprosisgan masze momushave piris chagvras. aseve ar unda auriot is rom qmari Tavia ojaxis imashi rom coli mona da chagvris girsia. Amas biblia ar aswavlis. Ierarqia garegnulia mxolod da mxolod rolebs da valdebulebebs unawilebs qalsa da mamakacs ojaxshi rasac erturtis

  16. #25 by Kaxi on June 21, 2012 - 7:02 pm

    tavisi nebit arasdros aurchevia iranis gza da arasdros airchevs.
    Genderuli tanasworoba aris mamakacis sheqmnili. Ar aris saWiro. Mamakaci qalze uketesi and zemdgomi ar aris shinaganad, ojaxshi ierarqia sxva sakitxia. Ierarqia xom evropashi samsaxurebshi arsebobs rac ar iTvaliswinebs uprosisgan masze momushave piris chagvras. aseve ar unda auriot is rom qmari Tavia ojaxis imashi rom coli mona da chagvris girsia. Amas biblia ar aswavlis. Ierarqia garegnulia mxolod da mxolod rolebs da valdebulebebs unawilebs qalsa da mamakacs ojaxshi, rasac erturtis mzrunveloba da siyvaruli moaqvs

  17. #26 by Kaxi on June 21, 2012 - 7:12 pm

    tavisi nebit arasdros aurchevia iranis gza da arasdros airchevs.
    Genderuli tanasworoba aris mamakacis sheqmnili. Ar aris saWiro. Mamakaci qalze uketesi and zemdgomi ar aris shinaganad, ojaxshi ierarqia sxva sakitxia. Ierarqia xom evropashi samsaxurebshi arsebobs rac ar iTvaliswinebs uprosisgan masze momushave piris chagvras. aseve ar unda auriot is rom qmari Tavia ojaxis imashi rom coli mona da chagvris girsia. Amas biblia ar aswavlis. Ierarqia garegnulia mxolod da mxolod rolebs da valdebulebebs unawilebs qalsa da mamakacs ojaxshi, rasac erturtis mzrunveloba da umagles safexurze myofi siyvarulis moaqvs shedegad. genderul Tanasworobs erturtshi angarishworebisa da miutevlobis nayofi gamoaqvs rac araferia sxva tuara siyvarulis nakleboba. Sakutar tavze gamovcade da amitom vambob. Kidev bevria satqmeli magram ver davtev aq. Erti ram vici rom kanoni modzaladeebs sjis

  18. #27 by Kaxi on June 21, 2012 - 7:18 pm

    tavisi nebit arasdros aurchevia iranis gza da arasdros airchevs.
    Genderuli tanasworoba aris mamakacis sheqmnili. Ar aris saWiro. Mamakaci qalze uketesi and zemdgomi ar aris shinaganad, ojaxshi ierarqia sxva sakitxia. Ierarqia xom evropashi samsaxurebshi arsebobs rac ar iTvaliswinebs uprosisgan masze momushave piris chagvras. aseve ar unda auriot is rom qmari Tavia ojaxis imashi rom coli mona da chagvris girsia. Amas biblia ar aswavlis. Ierarqia garegnulia mxolod da mxolod rolebs da valdebulebebs unawilebs qalsa da mamakacs ojaxshi, rasac erturtis mzrunveloba da umagles safexurze myofi siyvarulis moaqvs shedegad. genderul Tanasworobs erturtshi angarishworebisa da miutevlobis nayofi gamoaqvs rac araferia sxva tuara siyvarulis nakleboba. Sakutar tavze gamovcade da amitom vambob. Kidev bevria satqmeli magram ver davtev aq. Erti ram vici rom kanoni modzaladeebs sjis ierarqias ar krzalavs. Ojaxshi ierarqia Tvit archevadi unda iyos da ara nazaladebi, zaladoba xom qristestvis ucxoa da aucileblad ushedegobamde migviyvans. BrTxilad iyavit “genderuli Tanasworobit” ojaxze gabatonebuli qalebi ar mivigot shedegad.

  19. #28 by Kaxi on June 21, 2012 - 7:19 pm

    tavisi nebit arasdros aurchevia iranis gza da arasdros airchevs.
    Genderuli tanasworoba aris mamakacis sheqmnili. Ar aris saWiro. Mamakaci qalze uketesi and zemdgomi ar aris shinaganad, ojaxshi ierarqia sxva sakitxia. Ierarqia xom evropashi samsaxurebshi arsebobs rac ar iTvaliswinebs uprosisgan masze momushave piris chagvras. aseve ar unda auriot is rom qmari Tavia ojaxis imashi rom coli mona da chagvris girsia. Amas biblia ar aswavlis. Ierarqia garegnulia mxolod da mxolod rolebs da valdebulebebs unawilebs qalsa da mamakacs ojaxshi, rasac erturtis mzrunveloba da umagles safexurze myofi siyvarulis moaqvs shedegad. genderul Tanasworobs erturtshi angarishworebisa da miutevlobis nayofi gamoaqvs rac araferia sxva tuara siyvarulis nakleboba. Sakutar tavze gamovcade da amitom vambob. Kidev bevria satqmeli magram ver davtev aq. Erti ram vici rom kanoni modzaladeebs sjis ierarqias ar krzalavs. Ojaxshi ierarqia Tvit archevadi unda iyos da ara nazaladebi, zaladoba xom qristestvis ucxoa da aucileblad ushedegobamde migviyvans. BrTxilad iyavit “genderuli Tanasworobit” ojaxze gabatonebuli qalebi ar mivigot shedegad.
    Qals sheuzlia

  20. #29 by Kaxi on June 21, 2012 - 7:23 pm

    tavisi nebit arasdros aurchevia iranis gza da arasdros airchevs.
    Genderuli tanasworoba aris mamakacis sheqmnili. Ar aris saWiro. Mamakaci qalze uketesi and zemdgomi ar aris shinaganad, ojaxshi ierarqia sxva sakitxia. Ierarqia xom evropashi samsaxurebshi arsebobs rac ar iTvaliswinebs uprosisgan masze momushave piris chagvras. aseve ar unda auriot is rom qmari Tavia ojaxis imashi rom coli mona da chagvris girsia. Amas biblia ar aswavlis. Ierarqia garegnulia mxolod da mxolod rolebs da valdebulebebs unawilebs qalsa da mamakacs ojaxshi, rasac erturtis mzrunveloba da umagles safexurze myofi siyvarulis moaqvs shedegad. genderul Tanasworobs erturtshi angarishworebisa da miutevlobis nayofi gamoaqvs rac araferia sxva tuara siyvarulis nakleboba. Sakutar tavze gamovcade da amitom vambob. Kidev bevria satqmeli magram ver davtev aq. Erti ram vici rom kanoni modzaladeebs sjis ierarqias ar krzalavs. Ojaxshi ierarqia Tvit archevadi unda iyos da ara nazaladebi, zaladoba xom qristestvis ucxoa da aucileblad ushedegobamde migviyvans. BrTxilad iyavit “genderuli Tanasworobit” ojaxze gabatonebuli qalebi ar mivigot shedegad.
    Qals sheuzlia tavmdablobita da siyvarulit “daamonos” mamakaci da ara kanonis shishit.
    Kidev vimeoreb, mozaladeebi daisajon, morchileba ki nebayoflobiti iyos

    • #30 by dreamar on June 21, 2012 - 7:36 pm

      ჩემი აზრით, გენდერული თანასწორობა პირიქით, ურთიერთპატივისცემისა და სიყვარულის გამოხატულებაა :))

  1. მე არ ვარ ბოზი ანუ მითი ბოზობის შესახებ « Dreamar's Blog

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: