Posts Tagged ბლოგერი

პირველი ინტერნეტ ფორუმი თბილისში

iforum5

24 მაისს თბილისში პირველი ინტერნეტფორუმი გაიმართა. ღონისძიება საინტერესო და მრავალფეროვანი თემებით დატვირთული გამოვიდა. გაეცა პასუხი შემდეგ ზოგადსაკაცობრიო კითხვებს: “აქვს თუ არა პორნოს არსებობის უფლება”, “ვინ გააფუჭა ქართველი ბლოგერები”, “ვინ ვის ბაღჩაში ისროლა ქვა ქართულ ბლოგოსფეროში”და ა.შ. ეს ხუმრობით, თუმცა, ღონისძიებაზე ამ საკითხების წამოჭრამ ძალიან გაახალისა აუდიტორია. 🙂 ფორუმის მომხსენებლებმა გაგვიზიარეს საკუთარი გამოცდილება და ისაუბრეს ისეთი საინტერესო თემების შესახებ, როგორიცაა: ონლაინ აქტივიზმი, სამოქალაქო ჟურნალისტიკა, ონლაინ ჟურნალის წარმოება და ა.შ.

სესიიდან ონლაინ ჟურნალის წარმოების შესახებ  ყველაზე მეტად დამამახსოვრდა ის, რომ “ამ საქმით ფულს ვერ იშოვი”. ამიტომ, ვინც გეგმავთ ონლაინ ჟურნალის გამოშვებას, არ შეიქმნათ ილუზია, რომ გამდიდრდებით: მაქსიმუმი რასაც შეძლებთ, საკუთარი თავის შენახვაა. დამამახსოვრდა ასევე ლაშა ქავთარაძის (http://photoessay.ge/) რჩევა, რომ ონლაინ ჟურნალის გაკეთება არ უნდა დაიწყოთ მეგობრებთან ერთად. ეს ბევრ რამეში შეგიშლით ხელს. ლევან პაიჭაძემ (http://ideahub.ge/) ჟურნალების მომავალზე საუბრისას აღნიშნა, რომ ვიზიტორების ნახევარზე მეტი ideahub.ge-ს მობილურებიდან, პლანშეტებიდან, აიპედებიდან სტუმრობს.  პერსონალურ კომპიუტერებსა და ლეპტოპებს უფროდაუფრო ნაკლებად გამოიყენებენ. ონლაინ ჟურნალის შემქმნელებმა ესეც უნდა გაითვალისწინონ.

iforum2

ნიკა დავითაშვილმა “პარტიზანული მებაღეობიდან” ისაუბრა როგორ აქტიურად იყენებენ ისინი სოციალურ მედიას სხვადასხვა აქციის ორგანიზებასა და დაგეგმვაში. განსაკუთრებით twitter-ს ისეთ აქტივისტებთან დასაკავშირებლად, რომლებსაც არ მიუწვდებათ ხელი ინტერნეტზე და მხოლოდ “ფანრიან” ნოკიას იყენებენ.

სპიკერებმა ისაუბრეს ბლოგინგის გამოწვევების შესახებ. გამოითქვა მოსაზრება, რომ “მიკრობლოგინგი კლავს ბლოგინგს”. ამას მოყვა მიკრობლოგინგისა და ბლოგინგის შედარება. კითხვაზე რა არის საჭირო ბლოგინგის განვითარებისთვის, დოდი ხარხელს (http://digit.ge/ შემდეგი პასუხი ჰქონდა რომ, ერთადერთი რამ, რაც ბლოგინგის განვითარებას ჭირდება, არის ინტერნეტის გავრცელება.

iforum4

იცოდით თუ არა რომ საჯარო ინფორმაციის გამოწერა ინტერნეტის მეშვეობით, განცხადების დაწერის, შემდეგ მისი კანცელარიაში ჩაბარებისა და ათასი პროცედურის გავლის გარეშე შეგიძლიათ? ამისთვის my.gov.ge -ზე უნდა დარეგისტრირდეთ. 2013 წლიდან  ყველა საჯარო დაწესებულებას საკუთარ ვებგვერდზე საჯარო ინფორმაციის გამოქვეყნება დაევალა. ასეთი ინფორმაცია მოიცავს საჯარო დაწესებულებების სტრუქტურას, წესდებასა და ბიუჯეტს; ინფორმაციას შესყიდვების შესახებ და ა.შ ლევან ავალიშვილის (http://idfi.ge/) თქმით, ასევე იგეგმება ისეთი პროექტის განხორციელება, რომლის მიხედვითაც ყველა მოქალაქეს პეტიციის ელექტრონულად შექმნისა და ხელმოწერების მოგროვების შემდეგ მისი მთავრობისთვის გადაგზავნის საშუალება ექნება. თუმცა, ერთია რომ მონაცემები ქვეყნდება და მეორეა რამდენად დაინტერესებულები არიან მოქალაქეები ამ მონაცემების ნახვითა და გაანალიზებით, პოლიტიკის შემუშავებაში ჩართვით. ეს თემები განიხილეს ღია მმართველობაზე დისკუსიისას.

iforum3

ონლაინ სატირაზე საუბარი სესსიის მოდერატრომა, ნიკა ქავთარაძემ, გულწრფელი აღიარებით დაიწყო: “არასდროს ვყოფილვარ მოდერატორი, სამაგიეროდ ვყოფილვარ თამადა” . ინტერნეტთან მისი შეხება მირკით დაიწყო. ნიკამ გაიხსენა კურიოზებიც: თუ როგორ აღმოჩნდა მირკში მის მიერ გაცნობილი გოგო ირაკლი კაკაბაძე, ირაკლი კაკაბაძის მიერ გაცნობილი გოგო კი – დათო გოგიჩაიშვილი.

ონლაინ სატირაზე დისკუსიისას, საბა ლეკვეიშვილმა (http://chiti.ge/) აღნიშნა, რომ ძალიან უხარია, როცა ვინმე “ჩიტი.ჯის” ნიუსს იჯერებს. ამგვარად გამოდის, რომ მიზანი მიღწეულია: ვიღაც დაიტროლა. 

საინტერესო იყო ასევე სესია ბავშვის აღზრდისა და ბლოგინგის შესახებ. სესიას წარუძღვა მშობლებისთვის და ზოგადად ბავშვებთან ურთიერთობის მქონე ადამიანებისთვის მეტად სასარგებლო ბლოგის http://ganatlebageo.wordpress.com/ ავტორი თამარ გაბისონია. 

ბოლო სესია სამოქალაქო ჟურნალისტიკას შეეხო. კითხვას “ჩაანაცვლებს თუ არა სამოქალაქო ჟურნალისტიკა მედიას” არაერთგვაროვანი პასუხები მოყვა დამსწრეებისა და სპიკერებისგან. თქვენ როგორ გგონიათ? პირადად მე ვფიქრობ, რომ ვერ ჩაანაცვლებს.

დისკუსიის პარალელურად ეკრანზე თვალს ვადევნებდით ფორუმის დამსწრეთა მეტად სახალისო ტვიტებს ჰეშთეგით #IFTbilisi14.

მოკლედ ძალიან ვისიამოვნე პირველი ინტერნეტფორუმით. იმედია, მომავალ წელსაც დავესწრები ამ ივენთს ^^

ფოტოები აღებულია ინტერნეტფორუმის გვერდიდან.

 

Advertisements

, , , , , , , , , , ,

5 Comments

ბლოგერებისა და პირველი ბლოგერი მინისტრის შეხვედრა

tea tsoloukiani1

გუშინ იუსტიციის სამინისტროში ბლოგერებსა და იუსტიციის მინისტრ თეა წულუკიანს შორის შეხვედრა გაიმართა. შეხვედრაზე ვისაუბრეთ ანტიდისკრიმინაციულ კანონპროექტზე, ასევე განვიხილეთ მინისტრის ბლოგი. ალბათ, გეცოდინებათ, რომ თეა წულუკიანი სულ ცოტა ხნის წინ  საქართველოში პირველი ბლოგერი მინისტრი გახდა. მინისტრმა გვკითხა რჩევები ბლოგთან დაკავშირებით, რომლებსაც იმედია გამოიყენებს :დ

ბევრს დააინტერესა, რატომ აქვს გამორთული კომენტარების სისტემა ბლოგზე. როგორც თეა წულუკიანმა თქვა, მას არ აქვს დრო კომენტარებს პასუხი გასცეს. გარდა ამისა, ის წერს იმიტომ, რომ სურს გარკვეულ საკითხებთან დაკავშირებით საკუთარი აზრი გამოხატოს და არა იმიტომ, რომ ვინმე შეეპასუხოს:

“პოლემიკა აღარ მინდა დაწერის შემდეგ. კომენტარები შემაფერხებს წერაში.”

ამ მიზეზით არ უყვარს ფეისბუქზე შემოსვლა: “ფეისბუქის გახსნის სურვილი არ მიჩნდება, იმდენი რამ მხვდება იქ. თან არ იცი, სად შეიძლება მოხვდეს შენი კომენტარი. ამიტომ ფეისბუქს ბლოგი მირჩევნია, რაც სათქმელი მაქვს ვიტყვი.”

თუმცა, ბლოგზე გარკვეული ხნით (ჯერჯერობით უცნობია როდის) კომენტარების სისტემის გახსნა იგეგმება, რათა მკითხველებს კითხვების დასმის საშუალება ჰქონდეთ. კითხვებს თავად მინისტრი უპასუხებს.

bloggers

თეა წულუკიანის თქმით, ყველა სფეროში ყველა ნიშნით ყვავის დისკრიმინაცია. სწორედ ეს გახდა იუსტიციის სამინისტროს ერთ-ერთი ყველაზე მნიშვნელოვან პროექტზე – ანტიდისკრიმინაციულ კანონზე – მუშაობის დაწყების მიზეზი. ანტიდისკრიმინაციული კანონის მიღების საჭიროება 17 მაისის მოვლენებმაც განაპირობა. მინისტრი 17 მაისს აფასებს როგორც კატასტროფას, თუმცა, მიუხედავად ნეგატიური მხარეებისა, იყო პოზიტიურიც: “ამ დღეს ეკლესიამ საკუთარი თავი სარკეში დაინახა”. ანტიდისკრიმინაციული კანონპროექტის მიზანი არის საქართველოში მცხოვრებმა ყველა ადამიანმა ერთნაირად ისარგებლოს მინიჭებული უფლებებით, არ მოხდეს როგორც ნეგატიური, ასევე პოზიტიური დისკრიმინაცია კანის ფერის, რასის, სქესის, ასაკის, რწმენის,  პოლიტიკური ან სხვა  შეხედულების,  სექსუალური ორიენტაციის, გენდერული იდენტობისა და სხვა ნიშნის მიხედვით.

კანონი ითვალისწინებს თანასწორობის ინსპექტორის ინსტიტუტის შექმნას. ეს იქმნება სადამსჯელო, რეპრესიული ინსტიტუტი, სანქცირების მექანიზმი მათ წინააღმდეგ,  ვინც დისკრიმინაციას ეწევა. შეეხება არამარტო სახელმწიფო, არამედ კერძო სექტორსაც, ფიზიკურ პირებს. ჩივილის საფუძველზე ინსპექტორს ექნება დისკრიმინატორის დაჯარიმების საშუალება. თანასწორობის ინსპექტორის ინსტიტუტი გაუადვილებს საქმეს ომბუდსმენს და გააძლიერებს დისკრიმინაციის აღმოფხვრას.

კანონპროექტი მოითხოვს დიდ თანხებს და ინფრასტრუქტურულ რევოლუციას, ეს აფერხებს მის მიღებასა და დამტკიცებას. კანონის ამოქმედება 2018 წლისთვისაა ნავარაუდევი.

იმედი მაქვს, მიუხედავად შექმნილი დაბრკოლებებისა, კანონი აუცილებლად მიიღება და პრაქტიკაში დამკვიდრდება. ადამიანები კი უფრო და უფრო ნაკლებად მისცემენ საკუთარ თავს სხვების დისკრიმინაციის უფლებას.

, , , , ,

დატოვე კომენტარი

დაცული: როგორ შევხვდი მოცარტს

ეს კონტენტი დაცულია პაროლით. მის სანახავად გთხოვთ შეიყვანოთ პაროლი ქვემოთ:

, , , , , , , , , , , , , , , , , , , , , , ,

10 Comments

%d bloggers like this: