Posts Tagged ზაფხული

ზაფხულის დასასრული

panic-because-its-the-last-day-of-summer-

დღეს ზაფხულის ბოლო დღეა. შვებულებიდან გამოვედი, ცხოვრება ჩვეულ რიტმში გრძელდება: დილით ადგომა, სამსახური, საღამოს მეგობრების მონახულება, ვიქენდის ლოდინი და ა.შ. ხანდახან სევდა მიპყრობს ხოლმე, როცა ვუფიქრდები, რომ ზაფხულის თავგადასავლებს, ზღვას და სხვადასხვა ადგილებში წოწიალს ერთი წლით უნდა დავემშვიდობო. ამ ეტაპზე ბედნიერებას მხოლოდ წერა, შოპინგი და ‘სილამაზის სახლში” სიარული მგვრის. ალბათ, მალე დღიურების წერის ტრადიციასაც აღვადგენ. მგონი ერთგვარი პოსტზაფხულისეული სინდრომი მჭირს. 😀

წლევანდელი ზაფხულის მთავარი მიღწევები: ველოსიპედი გავატარე! ❤ ბავშვობის მერე არ ვმჯდარვარ ველოსიპედზე, მეგონა არ მემახსოვრებოდა ტარება, მაგრამ, ჰოი საოცრებავ, გავატარე 🙂 მეორე მიღწევა: თანდათან დავძლე წყლის სიღრმის შიში: რამდენჯერმე დამოუკიდებლად გავცურე ნაპირისგან მოშორებით. 😀

ხვალ შემოდგომაა – პირველ სექტემბერზეც დავწერ ალბათ პოსტს თუ ამის განწყობაზე ვიქნები. მართალია, ზაფხულს ვერაფერი შემიცვლის, მაგრამ თავს იმით ვიმშვიდებ, რომ არსებობს უამრავი მიზეზი, რის გამოც შემოდგომა უნდა გიყვარდეს:

autumn

ბედნიერ შემოდგომას გისურვებთ!

 

Advertisements

, , , , ,

5 Comments

რატომ უნდა დაისვენო ჰოსტელში

დარწმუნებული ვარ, ბევრ თქვენგანს არასდროს დაუსვენია Hostel-ში. მოგბეზრდა ყოველ წელს შვებულების დღეების ერთნაირად გატარება და რამე განსხვავებული გინდა?

1) მაშინ დროა გართობისა და დასვენების ახალ საშუალებას მიმართო: თუ ხარ კომუნიკაბელური და გიყვარს ზღვა, მაშინ ბათუმში მდებარე Boombully Beach Hostel ზუსტად შესაფერისი ადგილია შენთვის!

2) ჰოსტელში საშუალება გეძლევა გაიცნო საინტერესო და განსხვავებული ადამიანები. განსხვავებული იმიტომ, რომ ჰოსტელი დედამიწის სხვადასხვა ადგილას მცხოვრებ ადამიანთა თავშეყრის ადგილია. რა ფასი აქვს ზღვზე დასვენებას თუ ახალი მეგობრები, ახალი ნაცნობები არ შეიძინე! ვინ იცის მომავალში როგორ გამოგადგებიან.

3) ადამიანის კარგად გაცნობის საუკეთესო საშუალება მასთან ერთად ცხოვრებაა. სად ქუჩაში, ბარში, სანაპიროზე ადამიანის გაცნობა და სად ერთ ოთახში მასთან ძილი და ერთ სამზარეულოში ჭამა. თანაცხოვრების შედეგად გაჩენილი ურთიერთობა უფრო ღრმა და დამახსოვრებადია.

4) ჰოსტელში დასვენება ბევრად უფრო იაფია სასტუმროსთან შედარებით (მაქსიმუმ 35 ლარი დღეში).

5) ჰოსტელში ბევრად უფრო კარგი პირობებია ნაქირავებ ბინასთან შედარებით: ნაქირავებ ბინაში არ არის უფასო wi-fi ინტერნეტი, 24 საათიანი დაცვა, გასარუჯი ტერასა და ა.შ

6) ჰოსტელი საუკეთესო ადგილია ზაფხულის ფლირტისთვის! :დ

7) თუ გინდა ახალგაცნობილი ადამიანის დაპატიჟება კოქტეილზე, სულაც არაა საჭირო გარეთ გასვლა: Boombully Beach Hostel-ში ორი ბარია!

8. მოგიმზადებიათ ოდესმე ბარბიქიუ? დიდი ეჭვი მაქვს რომ არა. ალბათ უმეტესობა თქვენგანს ჩემსავით მხოლოდ ფილმებში უნახავს ბარბიქიუს დამზადების პროცესი. Boombully Beach Hostel-ში შეგიძლიათ ისარგებლოთ ბარბიქიუს სპოტით. დროა გაცდეთ მამა-პაპურ მწვადებს! 🙂

9) თუ გშია და თან არ გაქვს საჭმელი, შეგიძლია გამოაღო მაცივარი და მიირთვა ახალგაცნობილი მეგობრების საკვები. ბოლოსდაბოლოს ერთი დიდი ოჯახი ხართ და ამის გამო არ გაგიბრაზდებიან :დ ან სულაც საიდან გაიგებენ ვინ რა შეუჭამა 🙂

10) ჰოსტელში არავინ დაგიწყებთ ბუზღუნს, რომ ამდენ ადამიანს ვერ შეგიშვებენ ერთ ოთახში, რადგან იხმაურებთ და სხვებს შეაწუხებთ. პირიქით, რაც უფრო მეტი ადამიანი იქნება, მით უფრო იმხიარულებთ. და თუ მაინც არ გინდათ სხვებთან ძილი, შეგიძლიათ private room-ი დაიქირავოთ.

, , , , , , ,

2 Comments

იმგზავრე ავტოსტოპით!

თუ თქვენ მოგბეზრდათ სტანდარტული მგზავრობა მარშუტკით, ავტობუსითა თუ მატარებლით, სცადეთ ავტოსტოპი. ეს მგზავრობის საინტერესოდ გატარების, ახალი ნაცნობების შეძენისა და ფულის დაზოგვის ერთერთი საუკეთესო ხერხია.
ასეთი რამ ფილმებში მქონდა ნანახი, ძალიანაც მომწონდა, მაგრამ მაინც სარისკო საქმედ მიმაჩნდა: ხომ შეიძლება ავტოსტოპით მგზავრობისას არავინ არ გაგიჩეროს ან სულაც ვინმე გიჟი შეგხვდეს გზაზე. მაგრამ ამ ზაფხულს ჩემი შიში ავტოსტოპით მგზავრობისადმი დავძლიე :)) Read the rest of this entry »

, , ,

9 Comments

I’m sorry …

შენზე იმდენ ხანს ვოცნებობდი…
ერთ მშვენიერ დღესაც მხვდა წილად ბედნიერება ამესრულებინა ეს ოცნება. სიამოვნებით დაგითმე ჩემს სხეულზე ბინა. ისეთი მოხარული ვიყავი ამით. მაგრამ, სამწუხაროდ, ჩვენ ვერ შევეგუეთ ერთმანეთს. მაპატიე, მაგრამ ვერ შეგეჩვიე, შენ ძალიან დიდ დისკომფორტს მიქმნი. ძალიან მომწონხარ, ერთი წუთითაც არ მინანია ჩვენი ურთიერთობის დაწყება, ყოველთვის ვიამაყებ ამ გადაწყვეტილებით, მაგრამ გამიგე, მე ასე აღარ შემიძლია. თან ზაფხული არ არის მთლად კარგი პერიოდი ჩვენი ურთიერთობისთვის. ამიტომ მე მივიღე გადაწყვეტილება: ცოტა ხნით მაინც, გარკვეული დროით ჩვენ უნდა დავშორდეთ. გახსოვდეს, მე შენ ისევ ძალიან ძალიან მომწონხარ. მშვიდობით, ჩემო პირსინგო!!!
P.S. Morticia, ვწუხვარ თუ ამ ჩემი გადაწყვეტილებით იმედები გაგიცრუე.

, , , , , ,

11 Comments

Summer

ესეც ასე, გამოცდებსაც მოვრჩი და დიპლომის დაცვასაც 🙂 უნივერსიტეტს მაინც ვერ ვცილდები: მე, გიორგი და დათო ხშირად ვსტუმრობთ ხოლმე პირველი კორპუსის ეზოს. პატარა ოჯახივით ვართ 😛 იმ დღეს, მაგალითად, სტადიონთან სკამებზე წამოვწექით და რამის ხვრინვა ამოვუშვით 🙂 ისეთი კარგი იყო უნივერსიტეტის ეზოში ძილი 🙂
შუა ზაფხულია, მიყვარს წელიწადის ეს დრო, მაგრამ ხანდახან შემოდგომა მომენატრება ხოლმე ძალიან, 2008 წლის შემოდგომა და მასთან დაკავშირებული მოგონებები (ერთ-ერთია “დოლიძის სახურავი” :P)
ვუსაქმურობ, ამ სიტყვის სრული მნიშვნელობით 🙂 ბლოგზეც არ შემომიხედავს რამდენი ხანია. ხანდახან უცნაური სურვილებიც მომივლის ხოლმე. იმ დღეს, მაგალითად, დამესიზმრა თითქოს პიანინოზე ვუკრავდი. როგორც კი გავიღვიძე მაშინვე პიანინოს მივუჯექი. არადა საუკუნეა არაფერი დამიკრავს. ჯერ ძლივს მოვძებნე ჩემი ნოტები და მერე დაკვრა ვცადე. ნოტებს ძლივს ვარჩევდი, თითებიც არ მემორჩილებოდნენ. არადა ამ მუსიკალურ ნაწარმოებებს ერთ დროს თვალდუხუჭული ვუკრავდი 😐 მაგრამ არაფერი გამომივიდა 😐
როგორც იქნა მოვიცალე tv-სთვის: ხანდახან შევავლებ ხოლმე თვალს:) კიდევ ნატას მიერ რჩეულ წიგნს ვკითხულობ.
ჩემს გარშემო ყველა ზაფხულის გეგმებზე საუბრობს: ვინ სად, ვისთან ერთად და როდის აპირებს წასვლასა და დასვენებას…მინდა ზაფხულს მეგობრებმა ერთად დავისვენოთ, ისიც მინდა კარგად გავირუჯო 🙂 მოკლედ, ყველას კარგ დასვენებას ვუსურვებ 🙂

, , , , , ,

6 Comments

%d bloggers like this: