Batumi New Wave Rock Fest 2010 ანუ როგორ ამოვყავი თავი ქართულ სუფრაზე

დიდი ხნის შესვენების შემდეგ მე დავბრუნდი. ჩემი პირველი პოსტით ამხელა პაუზის შემდეგ მინდა მოგითხროთ ზაფხულის შთაბეჭდილებებზე, ამჯერად Batumi New Wave Fest 2010ის შესახებ. ფესტივალი წელს მეხუთედ გაიმართა. მის ბევრ მხარდამჭერთა შორის ერთერთი ყველაზე მთავარი ბათუმის მერია იყო. 7 და 8 აგვისტოს თბილისი დაცარიელებულია, უმრავლესობა ზღვისპირეთშია გაკრეფილი, ამიტომ ბათუმის შერჩევა ფესტივალის ადგილად კარგი იდეაა.
გამომსვლელი ბენდები დიდის ამბით კი ესალმებოდნენ სცენიდან ბათუმელებსა და ბათუმს, მაგრამ მაყურებელთა უმრავლესობა თბილისელი იყო. მეტსაც გეტყვით, მიუხედავად ბათუმის ბულვარის მშვენიერებისა, თავი თბილისში მორიგ როკ-კონცერტზე მეგონა: აქ ისევ ის ნაცნობი სახეები დამხვდნენ, რომლებიც ყველა ასეთ როკ-კონცერტს ესწრებიან ხოლმე. კი ვიცოდი რომ ბევრ ნაცნობს ვნახავდი, მაგრამ ამდენნი თუ იქნებოდნენ, ვერ წარმოვიდგენდი.