Archive for მაისი, 2013

ბიო და მის მოხმარებასთან დაკავშირებული საფრთხეები

spice_gold_3g

ბოლო დროს საქართველოში მეტად პოპულარულ ბიოს ჩამოტანაზე რამდენიმე გადამზიდავმა კომპანიამ უარი განაცხადა, რამაც მომხმარებელთა უკმაყოფილება გამოიწვია. კანონით მისი შესყიდვა-მოხმარება აკრძალული არ არის. ბიოპლანის გამოწერა სულ მარტივად შეიძლებოდა უცხოური საიტებიდან. შეიძლება ითქვას, რომ მან აკრძალული მარიხუანა ჩაანაცვლა. სწორედ ადვილმა ხელმისაწვდომობამ განაპირობა მისი მზარდი პოპულარობა.

ცოტაოდენი რამ ბიოს შესახებ

ბიო, იგივე სპაისი მოსაწევი სინთეტიკური ნივთიერებაა. ის ევროპაში 2000-იან წლებში გამოჩნდა. შემადგენლობის მხრივ სხვადასხვა სახის სპაისი არსებობს. ზოგიერთ ქვეყანაში ზოგიერთი სახის სპაისი აკრძალულია. ის რამდენიმე სახის მცენარისა და ქიმიური ნივთიერებების (JWH-018, HU-210, CP 47,497…) შერევის შედეგად მიიღება. ბიო არომატიზატორს აქვს მარიხუანას მსგავსი ეფექტი, თუმცა, მისი მოქმედება ბევრად უფრო მალე იწყება და უფრო ძლიერია. ამასთან, მარიხუანასთან შედარებით, ხანმოკლე.

როგორ მოქმედებს ბიოპლანი ორგანიზმზე, ჯერ ბოლომდე შესწავლილი არ არის. პირველი სინთეთიკური კანაბინოიდის (მარიხუანას, ჰაშიშის აქტიური ნივთიერება) შემქმნელი პროფესორი ჯონ ჰაფმანი ბიოს მომხმარებლებს იდიოტებს უწოდებს, რადგან მისი თქმით, მათ არ იციან რა შედეგით შეიძლება დამთავრდეს ეს.

ბიოს მოხმარებამ შეიძლება გამოიწვიოს: თავბრუს ხვევა, შფოთვა, ჰალუცინაციები, აღქმის დარღვევა, კოორდინაციის დარღვევა, სისუსტე, მეხსიერების დაქვეითება, ნევროზი და ფსიქოზი. (გასათვალისწინებელია, რომ მსგავსი ეფექტი კანაბინოიდის ნებისმიერ შემცველს (მარიხუანა, ჰაშიში) შეიძლება ჰქონდეს).

ინტერნეტში უამრავი ინფორმაციის მოძიება შეგიძლიათ ბიოს მავნე ზეგავლენაზე: რა დამღუპველად მოქმედებს ის ფსიქიკაზე, ფილტვებზე, ტვინზე, როგორ იწვევს მიდრეკილებებს სუიციდისკენ და როგორ ასრულებენ სიცოცხლეს მისი ზემოქმედების ქვეშ მყოფი ადამიანები თვითმკვლელობით. უამრავი სტატია და ვიდეოსიუჟეტია. ბევრი მათგანი არადამაჯერებლად გამოიყურება: თითქოს განგებ არის გაზვიადებული ხშირ შემთხვევაში მორალისტურ ჭრილში აღწერილი ამბები. მეც აქამდე გაგონილ  ამბებს ბიოს მავნებლობის შესახებ ეჭვის თვალით ვუყურებდი. ბიო პლანის ნეგატიურ ეფექტში მაშინ დავრწმუნდი, როცა რამდენიმე მეგობარს მის გამო სერიოზული პრობლემები შეექმნა. ზოგიერთ შემთხვევაში ეს გამოიწვია ბიოს ერთჯერადმა მოხმარებამ, ზოგიერთში – რამდენიმე კვირის მანძილზე მოწევამ. რეალობის აღქმის დაქვეითება, შეგრძნება თითქოს სიზმარში ხარ – სიმპტომი, რომელიც ყველასთვის საერთო იყო. შიში, შფოთვა, აკვიატებული აზრები, უძილობა –  ზოგიერთ მათგანს მთელი თვეები ტანჯავდა ეს უსიამოვნო შეგრძნებები. რამდენიმეს ბიოს მოხმარების შედეგად ნევროზი განუვითარდა. რაც დრო გადის, სპაისის მოხმარებით დაზარალებულების შესახებ ცნობები იზრდება. თანაც, სულ ნაცნობების მხრიდან.

ჩემი რჩევაა:

  1.  არასდროს გასინჯოთ რაიმე ნარკოტიკული საშუალება თუ ფსიქოთროპული ნივთიერება მასზე ინფორმაციის ფლობის გარეშე და მისი შესაძლო შედეგების ცოდნის გარეშე.

  2. თუ მაინც გადაწყვეტთ მოხმარებას, ძალიან ფრთხილად იყავით დოზებთან. ყველაზე უწყინარი ნივთიერების მიღების შემთხვევაშიც კი დოზის გადაჭარბებამ შესაძლოა სიკვდილი გამოიწვიოს. გახსოვდეთ: არამავნებელი დოზა ყველასთვის ერთნაირი არაა.

  3. თუ გყავთ თინეიჯერი შვილები, დები, ძმები, მეგობრები, ჩასჭიდეთ მათ ხელი და ესაუბრეთ ნარკოტიკული საშუალებების, მათი ნეგატიური ზეგავლენის შესახებ. უმეტესობა სწორედ ამ პერიოდში იწყებს ამ ნივთიერებების მოხმარებას (მანამდე, რა თქმა უნდა, თავად უნდა გაერკვეთ ამ საკითხში ოდნავ მაინც :))

Advertisements

, , , , , , , , , , , ,

127 Comments

ძალადობა ქრისტეს სახელით

228461_10151609893422360_1758357821_n

ფოტო: მზია საგანელიძე/რადიო ”თავისუფლება”

არ ვიცი რა ვთქვა გუშიდნელ მოვლენებზე, იმდენი ითქვა და დაიწერა. ჯერ კიდევ შოკირებულ-განრისხებულ-განცვიფრებული ვარ. რა თქმა უნდა, აგრესია გუშინდელი აქციისადმი მოსალოდნელი იყო. მაგრამ ასეთი ფორმითა და ასეთი დოზით ნამდვილად ვერ წარმოვიდგენდი. თითქოს, ის სასულიერო პირები, მათი მრევლი წლების განმავლობაში იგროვებდნენ გულში ბოღმასა და აგრესიას, რომ მერე განსხვავებული აზრის მქონეებზე ამოეყარათ ჯავრი. ეს არაა ქრისტიანობა! არ ჭირდება ამას რელიგიათმცოდნეობა, რომ მიხვდე: რაც გუშინ ქრისტეს სახელით კეთდებოდა, არაქრისტიანულია და  მორწმუნეობასთან კავშირი არ აქვს!
სამწუხაროა, რომ ქართულ ეკლესიაში ასეთი სიბნელეა! სამწუხაროა, რომ გუშინდელ აქციაზე ადამიანებმა ადამიანობა დაკარგეს და ერთ ბნელ და მოძალადე მასად იქცნენ! სამწუხაროა, რომ ის ძველი ბიჭები, რომლებიც წარსულში უბნის ბირჟებზე იდგნენ, დღეს ეკლესიაში სასულიერო პირებად გვევლინებიან!

ის, რასაც გუშინ მღვდლები აკეთებდნენ: საზოგადოებრივი წესრიგის დარღვევა, პოლიციელთა მუშაობისთვის ხელის შეშლა, მოქალაქეთა ფიზიკური შეურაცხყოფა და მათზე ძალადობა არის დასჯადი საქართველოს სისხლის სამართლის კოდექსით! კანონზე მაღლა არავინ არაა! ყველა მოძალადე უნდა დაისაჯოს!

p.s. ამ ამბების მერე აღარ მაქვს სურვილი ეკლესიაში შესვლის! მინდა შეწყდეს ჩემი ჯიბიდან საპატრიარქოს დაფინანსება!!!

, , , , , , , , ,

დატოვე კომენტარი

Qordo-ს გიჟური ალბომი

qordo

Qordo-ს სადებიუტო ალბომმა “Madness” დღის სინათლე იხილა. ჯგუფი ნახევარი წელია რაც შეიქმნა. ამ ხნის განმავლობაში გარდა ალბომისა, მათ მოასწრეს ოთხი ვიდეოკლიპის გადაღება (Super Genius, თოვლად მოვალShe’N, Get Lucky cover). რაც მნიშვნელოვანია, ყველაფერი საკუთარი ძალებით მოახერხეს.

ალბომში შესულია 13 სიმღერა. ჟანრობრივად მრავალფეროვანია: ინდი, როკი, პოპი, ელექტრონული მუსიკის, გრანჟისა და კლასიკური როკის ელემენტებით. შეიცავს როგორც რიტმულ, “ამგდებ”, ასევე წყნარ, მელოდიურ სიმღერებს. მათი უმეტესობა ინგლისურენოვანია, თუმცა არის ქართულენოვანი სიმღერებიც (“ფსევდომაკარენა”, My Beautiful Lady, #, Aravis). გაეცანით ტრეკლისტს:

  1.  Super Genius
  2.   She’N
  3.   Instructions
  4.   This Song
  5.   Madness Dream
  6.   You Said
  7.   ფსევდო მაკარენა
  8.   Love Is
  9.   My Beautiful Lady
  10.   #
  11.   Take Me Out
  12.   Clown
  13. Aravis

რატომ “Madness”? იმიტომ, რომ სახელი სრულიად შეესაბამება ალბომის შექმნის პერიოდში მიმდინარე მოვლენებსა და ჯგუფის წევრების ცხოვრებაში მომხდარ ამბებს.

სადებიუტო ნამუშევარი ამართლებს სახელს. თუ რატომ, ამას მხოლოდ ალბომის მოსმენის შემდეგ მიხვდებით.

ალბომი შეგიძლიათ გადმოიწეროთ აქედან.

, , , , , , ,

2 Comments

დაცული: ბუსუსებიანი პრეზერვატივი ჩვენს მეხსიერებაში

ეს კონტენტი დაცულია პაროლით. მის სანახავად გთხოვთ შეიყვანოთ პაროლი ქვემოთ:

, , , , , , , , , ,

%(count)s კომენტარი

%d bloggers like this: