Maroon 5 -ის კონცერტი – რა მოხდა ბათუმში

მოლოდინი დიდი იყო – ყოველ წელს ხომ არ ჩამოდიან საქართველოში ისეთი პოპულარული და წარმატებული ვარსკვლავური ბენდები, როგორც Maroon 5-ია. იქამდე, ორი კვირით ადრე, თბილისს სამთავრობო პროექტის, Check in Georgia-ს ფარგლებში, რობი უილიამსი სტუმრობდა და თავისი არაჩვეულებრივი ლაივ-შოუთი კონცერტის ყველა დამსწრე კმაყოფილი დატოვა. მაშ, რა მოხდა ბათუმში?

დაუჯერებელი ამბავი – თბილისში Placebo ჩამოდის

გუშინ მთელი საქართველო ზეიმობდა გაიგო რა Open Air-ის ლაინაფის შესახებ. Placebo, Archive, Kill it Kid, Kollektiv Turmstrasse, Zemfira, Beth Hart და სხვები 3-7 ივლისს თბილისს ეწვევიან. ფესტივალში მონაწილეობას ქართველი მუსიკოსებიც მიიღებენ: Lady Heroine, The Georgians, Salio, MAMM, The Jetbird, Sophie Villy, Scratch The Floor, არა, Erekle Deisadze & Vinda Folio, The Black Marrows, The Mins … სულ 60-მდე შემსრულებელი 5 დღის განმავლობაში გაგვაბედნიერებს საკუთარი მუსიკით. ფესტივალი ღია ცის ქვეშ, თბილისის ზღვის ახალი ქალაქის მიმდებარე ტერიტორიაზე გაიმართება.

ლაინაფის ჰელაინერების ვინაობა რამდენიმე კვირით ადრე გავიგე, თუმცა, იმდენად დაუჯერებელი იყო ჩემთვის, მორიგი ჭორი მეგონა. გუშინ, ფესტივალის ორგანიზატორის, AlterVision Group-ის  მიერ ლაინაფის ოფიციალურად გამოცხადების შემდეგ ბოლო მოეღო  ეჭვებს. ეს დღეებია სრულიად აჟიტირებული დავდივარ ^_^

Placebo-ს განცხადება მათ ოფიციალურ facebook გვერდზე

გუშინდელ “ზარზეიმთან” ერთად სოც. ქსელებში კრიტიკული კომენტარებიც დაიწერა მცირე რაოდენობით. აბიტურიენტი მოსწავლეები, რომელთაც ფესტივალს ეროვნული გამოცდების პერიოდი ემთხვევათ, ფესტივალის თარიღს აპროტესტებდნენ. ასევე, როგორც ყოველთვის, საუბარი იყო ბილეთის სიძვირეზე. თუმცა, 5 დღიანი აბონიმენტისთვის 110 ლარი, 60-მდე შემსრულებლითა და ასეთი მაგარი ჰედლაინერებით, ნამდვილად არაა ძვირი!

6 წელი გავიდა პირველი Tbilisi Open Air-დან. დღესაც კარგად მახსოვს მაშინდელი შთაბეჭდილებები. პირველივე დღიდან ვგულშემატკივრობ ამ ფესტივალს და ყოველ ოფენეარს ვესწრები. ჩემი იმედები გამართლდა: ფესტივალი ტრადიციად იქცა და ბევრი კარგი მუსიკოსის მოსმენის საშუალება მოგვცა.

შეგიძლიათ იხილოთ წინა ოფენეარების მიმოხილვები:

Tbilisi Open Air 2013

Tbilisi Open Air 2012

Tbilisi Open Air 2011

Tbilisi Open Air 2009

პ.ს. რა მოითმენს 4 ივლისამდე!!!

Tbilisi Fall Set

16 ნოემბერს Batumi Summer Set -ის ორგანიზატორებმა Tbilisi Fall Set შემოგვთავაზეს. კონცერტი მთაწმინდის პარკში, Underwheel Club-ში გაიმართა. Fall Set-ის ჰედლაინერი Modeselektor იყო. გერმანული ელექტრონული ბენდი ჯერ კიდევ Open Air-ზე უნდა სტუმრებოდა თბილისს, მაგრამ, სამწუხაროდ, მაშინ მათი გამოსვლა ჩაიშალა. ამის გამო ბევრს დაწყდა გული.

ამჯერად, ყველაფერმა კარგად ჩაიარა. პირველ რიგში, აღსანიშნავია, რომ ადგილი იყო კარგად შერჩეული. ზოგადად, Underwheel Club მომწონს და მასთან კარგი მოგონებები მაკავშირებს.

ფოტოს პირველწყარო

ფესტივალზე ქართველი შემსრულებლებიც Luna9 და Tomma გამოდიოდნენ. თუმცა, ხალხის უმეტესობა გერმანული დუეტის მოსასმენად იყო მოსული. Modeselektor-ის სცენაზე გამოსვლის მოახლოებასთან ერთად კლუბში დამსწრეთა რაოდენობაც მატულობდა. ბოლოს იმდენი ადამიანი მოგროვდა, რომ შეუძლებელი იყო სცენის წინ დგომა.

ერთი რამ დავასკვენი: რაც უფრო დატვირთული სამუშაო კვირა გაქვს, მით უფრო მეტად გინდება განტვირთვა ვიქენდზე, მით უფრო მიილტვი გართობისაკენ. ყოველ შემთხვევაში, მე ასე ვარ: მსგავსი მუსიკალური ივენთები კი მისწრებაა ჩემთვის 😀

ერთადერთი რაც არ მომეწონა: უზარმაზარი რიგი საპირფარეშოსთან. თითქმის 40 წთ ვიდექი რიგში ისე კი ძალიან კარგი იყო: კარგი მუსიკა, კარგი სივრცე, გვერდით მეგობრები და ცეკვა დილამდე :დ

სამწუხაროდ, ფოტოაპარატი არ მქონია და მხოლოდ ამ სელფშოტს დავჯერდი :დ

პ.ს ორგანიზატორების თქმით, ელექტრონული მუსიკის ეს ფესტივალი სეზონური უნდა გახდეს. ასე, რომ წინ Winter Fest გველის!

Batumi Summer Set 2013

22 და 23 აგვისტოს ბათუმში ელექტრონული მუსიკის ფესტივალი “ბათუმი სამერ სეტი” გაიმართა. მართალია ფესტივალი სამდღიანი უნდა ყოფილიყო, მაგრამ ორ დღეშიც საკმაოდ ბევრი დადებითი შთაბეჭდილება მივიღე.

პირველ დღეს ყველაზე მეტი ოვაცია წილად ხვდა Laid Back-ს – დანიურ ელექტრონულ დუეტს, რომელიც 1979 წლიდან არსებობს. სიმართლე გითხრათ, მათი ორადორი სიმღერა ვიცი: “Sunshine Reggae” და “Happy Dreamer”. ამ დუეტის დიდი თაყვანისმცემელი არ ვარ, ამიტომ შორიდან ვადევნებდი მათ გამოსვლას თვალს. უფრო სწორად ყურს ვუგდებდი, რადგან სცენიდან იმდენად შორს ვიყავი ამ დროს, რომ ვერც დავინახავდი.  ჩემი ფავორიტი ამ დღის ლაინ აფ-ში იყო ბრიტანელი დიჯეი  Synkro.

მეორე დღეს იმდენი ნაცნობი ვნახე, სულ აქეთ-იქით მიწევდა სიარული, ამიტომ თავიდან ბოლომდე ვერცერთ გამომსვლელს ვერ მოვუსმინე, გარდა Sleep Party People-სა: ყველაზე განსხვავებული ბენდი იყო ამ ფესტივალის ლაინ აფში. კურდღლისნიღბიანმა ბიჭებმა დანიიდან ნამდვილი ფურორი მოახდინეს სცენაზე. 

ამ დღის გამომსვლელებიდან კიდევ გამოვარჩევდი Giraffage-ს: 23 წლის კალიფორნიელ დიჯეის.

ფოტოს პირველწყარო

ყველაზე მეტად Batumi Summer Set-ზე Faithless-ს (უფრო სწორედ პროექტს, სადაც მონაწილეობენ ამ ჯგუფის მთავარი წევრები Maxi Jazz და Sister Bliss) ველოდებოდი, რომელიც ბოლო, მესამე დღეს უნდა გამოსულიყო. ჩემი წარდგენა არ ჭირდება ამ ბრიტანულ ელექტრონულ ბენდს. “Insomnia”, “God Is a DJ”, “We Come 1” – აქედან ერთი ტრეკი მაინც გექნებათ მოსმენილი. ყველაზე საშინელი ფესტივალის ბოლო დღე გამოდგა: სამწუხაროდ, კონცერტი წვიმის გამო ჩაიშალა. Faithless-ის ნახვა არ მეღირსა. ბევრმა ცუდ ორგანიზებას დააბრალა კონცერტის ჩაშლა, იმ მიზეზით, რომ ორგანიზატორებს ამინდის პოგნოზი უნდა გაეთვალისწინებინათ. სანამ ჩაშლის დეტალებზე გადავალ, ორიოდე სიტყვით ორგანიზებაზე ვიტყვი:

ძალიან კარგად იყო მოწყობილი ფესტივალის ადგილი: გადახურული იყო საკმაოდ დიდი ტერიტორია (სამი დიდი ბარი, სცენის მიმდებარე ტერიტორია). მეორე დღეს ბევრმა წვიმას სწორედ ამ გადახურულ ადგილებს შეაფარა თავი. ასევე მომეწონა ვიზუალური გაფორმება. გარდა მუსიკის მოსმენისა შეგეძლო უამრავ საინტერესო გათამაშებაში მიგეღო მონაწილეობა და მოგეგო სხვადასხვა პრიზი. პირადად მე და ჩემმა მეგობრებმა თითქმის ყველგან მოვსინჯეთ ძალები და ფესტივალიდან საჩუქრებით დატვირთულები წამოვედით. მგონი პირველად მოხდა ისე, რომ ასეთი მასშტაბის ფესტივალზე არავის უჩხუბია, მიუხედავად იმისა, რომ გარშემო უამრავი ალკოჰოლმიღებული ყმაწვილი დაიარებოდა.

რაც შეეხება კონცერტის მესამე დღეს: ამოვარდა ძლიერი ქარი და წვიმა, ფესტივალის ტერიტორია დაიტბორა ბათუმის “საოცრებათა პარკის” სანიაღვრე სისტემის გაუმართაობის გამო, მოხდა მოკლე ჩართვა და დაიწვა აპარატურა. გარდა ამისა, მსგავსი სიმძლავრის შტორმი კიდევ იყო მოსალოდნელი რამდენიმე საათში, სწორედ ამიტომ ორგანიზატორებმა ფესტივალის გადადების გადაწყვეტილება მიიღეს. ალბათ, მომავალში საფესტივალო ადგილის შერჩევისას უფრო მეტი ყურადღება მიექცევა სანიაღვრე სისტემის გამართულობას. მაგრამ ისევე როგორც შეუძლებელია გათვალო სად, როდის და როგორი სიმძლავრის მიწისძვრა მოხდება, ასევე შეუძლებელია გამოიცნო  ამინდის ზუსტი პროგნოზი.

როგორც Batumi Summer Set-ის ფეისბუქ გვერდზე წერია ბილეთების დაბრუნების ყველა მსურველს თანხას უკან მისცემენ. სანამ ბილეთებს დააბრუნებდეთ, ერთ კარგ ამბავს გეტყვით:

20 სექტემბერს, ამჯერად თბილისში, ფესტივალის ბოლო დღე გაიმართება იმავე პროგრამით, რომელიც თავიდან იყო გაცხადებული:

20:00 Vako Key and Vako T.
22;00 Mao and The Mins
23:00 Gio Shengelia and Sikha
00:45 Rone Live
01:45 Faithless Live PA and DJ Set
03:30 Vincent and Lasha

შეინახეთ ძველი ბილეთები, გამოგადგებათ 🙂

Oasis ფესტივალის მიმოხილვა

ორი დღის განმავლობაში მცხეთაში თეატრონის მიმდებარე ტერიტორია მუსიკალური ფესტივალის ქალაქად იქცა. ადამიანები  აღმოჩდნენ ჩვეულისგან განსხვავებულ გარემოში, სადაც შეგეძლო დაგესვენა, გართობოდი, შეგეძინა ახალი მეგობრები, დამტკბარიყავი მუსიკით, გეცეკვა, დაგელია, გეთამაშა ორდროშობანა თუ ხელბურთი, გარუჯულიყავი კიდეც, ერთი სიტყვით საინტერესოდ გაგეტარებინა დრო.

არცერთ ქართულ მუსიკალურ ღონისძიებას არ მოყოლია ამდენი პოზიტიური გამოხმაურება, რაც ოაზის ფესტივალს მოყვა. ის ადამიანებიც კი, რომლებიც საკმაოდ სკეპტიკურად იყვნენ განწყობილნი ფესტივალის მიმართ, საკუთარ აღფრთოვანებას ვერ მალავდნენ. ფესტივალამდე იყო ბევრი კითხვა, რომლებსაც ორგანიზატორებმა დროულად ან საერთოდ ვერ გასცეს პასუხი. ამან ბევრი გააღიზიანა. მაგრამ საბოლოო ჯამში ყველაფერმა კარგად ჩაიარა. ეს არ იყო მარტო კარგი მუსიკისა და “ზვუკის” დამსახურება. ფესტივალისთვის შესაფერისი ადგილი, კარვების ქალაქი, სხვადასხვა სპორტული და გასართობი ღონისძიება, ერთი სიტყვით, გარემო იყო ძალიან კარგი. შეკრებილი ადამიანებიც იყვნენ პოზიტიურად განწყობილნი. ბევრმა აღნიშნა, რომ განსხვავებით სხვა კონცერტებისგან, სადაც უხვად დაიარებიან იქ სრულიად შემთხვევით აღმოჩენილი ტიპები, რომლებიც ხან “როკერი” გოგოების გასაცნობად მოდიან და ხან უმიზეზო ჩხუბის ასატეხად, მცხეთაში ნაკლებად იყვნენ.

Salio

The Balloon Shooters

LOUDspeakers

ოაზის ფესტივალი ქართულმა ჯგუფმა The Jetbird გახსნა. ძალიან ვისიამოვნე ქართული ბენდებით. ძალიან კარგები იყვნენ და არ ჩამოუვარდებოდნენ უცხოურ ჯგუფებს Loudspeakers, Salio, The Balloon Shooters.

უცხოური ბენდებიდან ძალიან მომეწონა დანიური ინდიროკ, დენს-პანკ ბენდი Whomadewho. მსმენელებისგან ბევრი ტაში და ოვაცია დაიმსახურეს. ერთადერთი ჯგუფი იყო ფესტივალზე, ვინც ბისზე ისევ გამოვიდა.

Whomadewho

Whomadewho

Mumiy Trol-მა ბავშვობა გამახსენა, ოდესღაც მიყვარდა ეს ჯგუფი, განსაკუთრებით მისი ვოკალისტი, მუდამ მოღიმარი ილია ლაგუტენკო. :დ

ილია ლაგუტენკო

5’nizza–ს ყოფილი ვოკალისტის ანდრეი ზაპოროჟეცის (სანის) ბენდმა “SunSay” ასევე დიდი ოვაციები დაიმსახურა, განსაკუთრებით ყველასთვის ნაცნობი სიმღერის “Солдат”-ის შესრულებისას.

SunSay

ხალხი ააცეკვა და სცენაზე “ცეცხლი დაანთო” გერმანულმა ელექტრონულმა ბენდმა სექსუალური “ფრონტვუმენით” Jahcoozi.

Jachoozi

მიუხედავად იმისა, რომ ოაზის ფესტივალი იყო კარგი და ყველა აღფრთოვანებული დარჩა მისით, არ შემიძლია არ დავწერო იმ მინუსებზე, რაც მას ახლდა:

1. დაგვიანება: ორივე დღეს კონცერტი დაახლოებით ერთი საათის დაგვიანებით დაიწყო. საქართველოში იმდენად მიჩვეულები ვართ დაგვიანებას, რომ ამას ნაკლად არ მივიჩნევთ.

2. ფესტივალზე არ გამოსულა ლაინაფში მითითებული ბენდი Juveniles. ამას მაშინ მივხვდი, როცა სცენაზე მათ ნაცვლად სხვა ბენდი გამოვიდა: ZIG ZAG & CO პროექტი ქართველი ბასისტითა და დრამერით, ასევე ფრანგი პიანისტით სახელად ზიგი. კარგად მახსოვს რა ცუდი გამოხმაურება მოყვა როცა ოფენეარზე მსმენელმა Modesselektor ვერ იხილა.

3. არც მე და არც ჩემს მეგობრებს დაცვასთან ან პოლიციასთან არ შეგვქმნია პრობლემა. მაგრამ როგორც შემდეგ გავიგე, მარიხუანის მოწევის გამო რამდენიმე ადამიანი საკმაოდ უხეში ფორმით დააკავეს (ზოგი ამბობს 60-მდე, შსს კი მხოლოდ ორი ადამიანის დაკავებასა და დაჯარიმებას ადასტურებს). ეს იგივეა ალკოჰოლის დალევის გამო დაეჯარიმებინათ ვინმე იმ მიზეზით, რომ საზოგადოებრივ ადგილებში დალევა არ შეიძლება. ასევე ძალიან სამწუხაროა, რომ პოლიცია და დაცვა (ყველა არა, რა თქმა უნდა) ხშირ შემთხვევაში არ იქცევა ზრდილობიანად და თავაზიანად. ამ მხრივ ბევრი სამუშაოა.

პ.ს ძალიან მიხარია, რომ საქართველოში უფრო და უფრო მეტი მუსიკალური ღონისძიება ტარდება და ვიღაც ღვთისნიერი ადამიანები ჩვენს გართობასა და დროის საინტერესოდ გატარებაზე ზრუნავენ.

ფესტივალის ფოტოები შეგიძლიათ იხილოთ აქ.

გართობის ქართული კულტურა

ხშირად აღმოვჩენილვარ უჩვეულო სიტუაციაში ამა თუ იმ გასართობ დაწესებულებაში ყოფნისას. დავასკვენი, რომ გართობის ერთობ უცნაური კულტურა გვაქვს ქართველებს :დ  პოსტში რამდენიმე ამბის შესახებ მინდა მოვყვე, რომელთაგან ზოგი მე შემემთხვა, ზოგიც ჩემს მეგობრებს.

ცოცხალი მუსიკა რომ ძალიან ფასობს, ახალი ამბავი არაა. ბოლო დროს მომრავლდა ბარების რაოდენობა, სადაც ბენდი უკრავს. ხოდა ერთ-ერთ ასეთ ბარში, შავებში ჩაცმული ნასვამი ახალგაზრდა შემოვიდა და მუსიკოსებს მიმართა მუქარანარევი თხოვნით: “ძმებო, დღეს ძმაკაცი დავასაფლავე და არ დაუკრათო”. ეტყობა მე ვერ ვწვდები ამ აზრს, თორემ ახლობელი ადამიანის გლოვა ბარში დროის გატარებითაც არის შესაძლებელი.

DDT vs Dub FX/Tbilisi Open Air 2012

Tbilisi Open Air 2012-იც დასრულდა. 2009 და 2011 წლების ოფენეარებთან შედარებით წლევანდელი ფესტივალი ბევრად მასშტაბური იყო. წელს გაცილებით მეტი ხალხი მოვიდა კონცერტზე და მედიის მხრიდანაც ყურადღება უფრო დიდი იყო. ეს, პირველ რიგში, ალბათ, ფესტივალის ჰედლაინერმა ბენდმა  – DDT-მ გამოიწვია. DDT-ს, ჯერ კიდევ 1980 წელს, საბჭოთა რუსეთში დაარსებული ჯგუფის, ლაინაფში გამოჩენამ ბევრის გული გაახარა და ფესტივალზე მისვლა გადააწყვეტინა. პირადად მე ფესტივალზე ნაკლებად მაინტერესებდა მამაჩემის თაობის საყვარელი ჯგუფის ხილვა, რომელსაც, ცოტა არ იყოს, ნაფტალინის სუნი ასდის. (მე მაპატიეთ დდტ-ს ფანებო :)) თუმცა, უნდა ითქვას, რომ მართლაც ძალიან კარგად დაუკრეს კონცერტზე და თითქმის არავინ დაუტოვებიათ გულგრილი თავისი შესრულებით.

Altervision newcomers 2011

შეიძლება ამ პოსტის დაწერა დამაგვიანდა, მაგრამ არ შემიძლია ერთი პოსტი არ მივუძღვნა ალტერვიჟენის ფესტივალის თემას. მითუმეტეს რომ ადრეც აქტიურად ვაშუქებდი.

მაშინ როცა თბილისისა და საქართველოს ერთი ნაწილი სარკოზობის ბრწყინვალე დღესასწაულს აღნიშნავდა, ან ცოტა უფრო გვიან, თბილისის მოქალაქეებს საშუალება ჰქონდათ თბილისობის დღესასწაული ალტერნატიულად აღენიშნათ, მწვადებისა და ტრადიციული სუფრული სიმღერების გარეშე.

Altervision Newcomers 2011 სპორტის სასახლესთან, ღია ცის ქვეშ გაიმართა. სარკოზის რა ვუთხარი, რაღა მაინცდამაინც ამ დღეს მოუნდა ჩამოსვლა ზუსტად მაგის გამო მხოლოდ ბოლო ორ გამომსვლელს მივუსწარი. არადა ძალიან დიდი სურვილი მქონდა ფესტივალში მონაწილე შემსრულებლების მოსმენისა.

Altervision Newcomers – ის Line Up:

– Landmark
– Radioactive
– The Mins
– SvanSikh
– The Georgians
– Countryman
– Rema
– Plus Master
– Global House Project

Plus Master

პირველ რიგში მინდა ვთქვა, რომ მან, ვინც იმის გამო არ წამოვიდა კონცერტზე, რომ უფასო იყო, ჩემი აზრით, ძალიან ბევრიც დაკარგა. კარგი იქნებოდა, რომ ბილეთებით ყოფილიყო ფესტივალზე დასწრება: როგორც არაერთმა აღნიშნა, ასეთ შემთხვევაში, ის ხალხიც აღარ მოვიდოდა აქ, ვისაც არაფერი ესაქმებოდა. მაგრამ მე პუბლიკას დიდად არ შევუწუხებივარ, არც “გარჩევების” მომსწრე ვყოფილვარ და არც “ამას მუსიკა როგორ უნდა ერქვას” მსგავსი ფრაზები მომისმენია. შეიძლება იმიტომ, რომ სცენასთან ვიდექი და ჩემ უკან რა ხდებოდა, ნაკლებად ვადევდენბდი თვალს.
ცოტა შემაცბუნა სცენის შორიახლოს გაშლილმა მაგიდებმა, მწვადის სუნმა და იქ მოქეიფე ხალხმა. ნამდვილად აჯობებდა მსგავსი სანახაობა სცენასთან არ ყოფილიყო.

რაც შეეხება “ზვუკს”, ნორმალური იყო. სპორტის სასახლეში გამართულ წინა ალტერვიჟენზე ბევრად კარგი მომეჩვენა. ყველაზე ყველაზე მთავარი: ძალიან მომეწონა ჯგუფების შესრულება! ყოჩაღ მუსიკოსებს! თითქმის ყველამ აღნიშნა ეს.

Global House Project

ერთი დასკვნა, რაც გამოვიტანე ისაა, რომ სავსებით შესაძლებელია მცირე ფინანსებით კარგი, ნორმალური კონცერტის გამართვა: მთავარი არც შოუა, არც მუსიკოსთა ტანსაცმელი და მაკიაჟი, მთავარია შესრულება და ხმის ჟღერადობა!

ერთი რამ, რაც ასევე ძალიან “ტეხს” არის ის, რომ გამომსვლელ ბენდებს ჰონორარი არ გადაუხადეს

Tbilisi Open Air 2011

რამდენი ხანი ველოდი ამ ფესტივალს და როგორც იქნა, პირველი Tbilisi Open Air-დან 2 წლის შემდეგ 11 და 12 ივნისს კვლავ იპოდრომზე გაიმართა Tbilisi Open Air 2011. წინა ფესტივალთან შედარებით ნაკლებად მასშტაბური იყო, მონაწილეობდა ბევრად მეტი ქართული ბენდი (19 გამომსვლელი ბენდიდან მხოლოდ ოთხი იყო უცხოური) და კონცერტზე დასწრება ფასიანი იყო: ბილეთი სულ რაღაც 5 ლარი ღირდა. ბევრმა გამოთქვა უკმაყოფილება, რომ როგორც პირველ Open Air-ზე წელს ფესტივალზე დასწრება უფასო არ იყო. მე კი ვფიქრობ, რომ ეს სწორი გადაწყვეტილება იყო: პირველი, იმიტომ რომ ნაკლებად მოვიდოდა “ზედმეტი” ხალხი (მაგალითად, 2009 წელს კონცერტზე ბევრი ძველი ბიჭი იყო მოსული გაუგებარი მიზნით: მუსიკას არ უსმენდნენ, უბრალოდ იდგნენ და “როკერებს” აგინებდნენ. პ.ს “როკერებში” ყველა გრძელთმიანი და დახეულჯინსიანი ახლაგაზრდა მოიაზრება:დ) მეორე, ვისაც უნდოდა ფესტივალზე მოსვლა, 5 ლარი მათ ბიუჯეტს არ დააზარალებდა, პირიქით, ეს თანხა სხვა კონცერტების ბილეთის ფასებთან შედარებით მეტად მცირეა.

                        Mutual Friends

2009 წლის Open Air-მა ბევრად დიდი შთაბეჭდილებები მოახდინა ჩემზე და მაშინდელი უცხოური ბენდები უფრო მომეწონა. წელს დიდად არ აღვფრთოვანდი უცხოური გამომსვლელებით, მაგრამ, ნამდვილად კარგები იყვნენ.

                          The Smile

პირველ დღეს ვიყავი სრულიად ფხიზელი, ამიტომ ყველა გამომსვლელ ბენდს მოვუსმინე :დ მარტო The Benedicts ვერ მოვუსწარი: ამინდმა არ შეუწყო ხელი ფესტივალის ორგანიზატორებს, წვიმა წამოვიდა და ისიც კი ვიფიქრე, კონცერტს გადადებენ-მეთქი. მაგრამ, ფესტივალი ჩვეულებრივად გაგრძელდა და წვიმაც შეწყდა ცოტა ხანში.

                     Ketrine & Me

ყველაზე მეტად პირველ დღეს მომეწონა Me and My monkeys გამოსვლა. ამ ჯგუფში ცვლილებებია: ახალი გიტარისტი ჰყავთ.

ბევრის გული გაახარა Green Mama-ს გამოსვლამ ამ ფესტივალზე: მათ ხომ დიდი ხანია არ ჰქონიათ კონცერტი და საერთოდაც, მე დაშლილი მეგონა ეს ბენდი.

                         Green Mama

ნიკა კოჩაროვი გახსოვთ? ლონდონში რომ არის წასული და დროდადრო ჩამოდის ხოლმე თბილისში. მანაც მიიღო მონაწილეობა კონცერტში. ოღონდ ლოლიტები არ გამოდიოდნენ. დიდი ხანია Young Georgian Lolitaz წარსულს ჩაბარდა :დ ნიკას ახალი ბენდი ჰყავს – Z for Zulu.

             Z for Zulu

                           Z for Zulu

ფესტივალის მეორე დღე გახსნა LOUDspeakers-მა. თავდაპირველად ეს ბენდი არ იღებდა მონაწილეობას კონცერტში, თუმცა, ორგანიზატორებმა გაითვალისწინეს ამ ჯგუფის მსმენელთა გამალებული მოთხოვნა და საბოლოოდ LOUDspeakers-მაც დაუკრა ფესტზე. სამწუხაროდ, მე ვერ მივუსწარი მათ გამოსვლას. როგორც მითხრეს, ძალიან კარგი იყო: კონცერტზე მოსულმა ხალხმა ზეპირად იცოდა მათი სიმღერები და შიგადაშიგ აყვა კიდევაც 🙂

                              Salio

მეორე დღეს ბევრი დავლიე, ამიტომაც ნაკლებად მოვუსმინე გამომსვლელ ბენდებს. სამაგიეროდ ბევრი ვიმხიარულე და ვიცეკვე:დ არ შემიძლია არ აღვნიშნო უზომოდ მთვრალი და აღგზნებულ მდგომარეობაში მყოფი ადამიანების სიმრავლე იპოდრომზე:დ სამწუხაროდ, “ჩხუბების” გარეშეც არ ჩაუვლია კონცერტს.

ფესტივალის დასრულების შემდეგ სახლში რომ მივდიოდი და ცარიელ და დაბინძურებულ იპოდრომს ვუყურებდი, რაღაცნაირად გული დამწყდა :დ Tbilisi Open Air დაგვემშვიდობა. იმედია ერთი წლით 🙂

The Georgians 5 წლისაა!

23 მარტი. გეუბნებათ რამეს ეს თარიღი? თუ არა, მაშინ გეტყვით, რომ ზუსტად ხუთი წლის წინ ამ რიცხვში შეიქმნა ჯგუფი The Georgians: ოთხმა ქართველმა ბიჭმა სცადა ისეთი არაქართული მუსიკის დაკვრა, როგორიცაა ბრიტპოპი და ინდი. ჯგუფის წევრების განცხადებით, ყველაზე მეტად მათზე გავლენა იქონია ბენდებმა Oasis, Doves,Muse.

ყველაფერი ასე იწყებოდა:

ამ 5 წლის განმავლობაში The Georgians-მა მოასწრო 115 კონცერტის გამართვა, მათ შორის მიიღო მონაწილეობა Alter Vision/Newcomers, Tbilisi Alter\Vision\stars for newcomers, Nights Of Arles in Tbilisi, ევროვიზიის შესარჩევ ტურში. გახდა პროექტ “აივნის” პირველი სეზონის გამარჯვებული. 5 წლის განმავლობაში 5-ჯერ გამოიცვალა დრამერი. The Georgians-ის წევრები შეგხვდებიან სხვა ჯგუფებშიც: დრამერის გარდა ყველა წევრი უკრავს მინიმუმ ორ ბენდში.

დაბადების დღესთან დაკავშირებით 23 მარტს კლუბ “პარაშუტში” გაიმართა კონცერტი. The Georgians-ს დაბადების დღე კონცერტზე გამოსვლით მიულოცეს ჯგუფებმა:Mutual Friends, The Smile, ShuSha, Lady Heroine, Zurgi, The Sticklers, Pink Pantera, Junk Yard, Loudspeakers. განსაკუთრებული სტუმრის სტატუსით იმყოფებოდა თბილისის ოპერის სოლისტი ირინა თაბორიძე. “პარაშუტში” ხალხის ტევა არ იყო. კონცერტი დასრულდა დიჯეების Thoma-ს, Amo-სა და Papuka-ს სეტებით. სულ რამდენიმე საათში დახეულჯინსიანი და კეტებიანი აუდიტორია შეცვალეს მაღალ ქუსლებზე შემდგარმა ქლაბერებმა.

Loudspeakers-ის ვოკალისტი string-ის გიტარისტთან

შუშა

Mutual Friends და ქარჩხა

Zurgi გიორგი მარის გარეშე The Smile-ს ბიჭებთან :დ

The Smile

Pink Pantera

Junk Yard

Lady Heroine

The sticklers

The Georgians & ირინა თაბორიძე